【颱風山竹】將軍澳海濱長廊爛如廢墟 公園灑水器全壞狂灑水
撰文：李穎霖
出版：更新：
將軍澳南海濱長廊再度不敵颱風！曾被颱風「一吹就散」的海濱長廊，今次在山竹吹襲下，再成廢墟一片，不止行人路地磚被吹至飛脫，連旁邊的單車徑亦「當災」。
將軍澳南海濱長廊經歷2009年颱風海鷗和去年的天鴿，海旁行人路的地磚曾兩度被吹散，惟維修過後，這次在山竹的蹂躪下，情況依舊。西貢區區議員黎銘澤指，海濱長廊除了地磚、防波堤飛脫，欄杆、長椅亦被吹毀，公園的灑水器在風災後同告損壞，不停灑水。「單車徑隔嚟有啲行人隧道嘅位置，都浸到好似水塘咁。」
+3
黎銘澤直言，是次災情比去年天鴿來襲時更嚴重：「之前都未去到全條單車徑有損毀，今次直條單車徑好似成塊起咗出嚟咁，啲水又浸到去至善街一帶。」他指行人路和單車徑損毀的位置為大浪湧上來的地方，故政府維修時，應考慮將有關範圍的地基加高，以防此情況再發生。
海濱行人路的地磚幾乎每次「8號波」或以上的颱風來襲，都會被吹散，黎銘澤認為有必要加固路面：「兩次颱風，啲磚都吹到散晒，都要諗下之後隻磚適唔適合繼續用喺海濱範圍，係唔係應該用其他物料。」他又指政府亦應再考慮昨日變成澤國的66、68區設計，以作相應調整。
海濱範圍現時滿目瘡痍，政府已派出職員，處理該處被吹倒的電箱，黎銘澤指現時有市民自發到場，幫忙清理：「佢哋執緊啲跌咗落單車徑磚，擺返上路面。」