【颱風山竹】港島海怡一年兩遇風災洗禮　街坊：香港人有咩好驚

「山竹」襲港，令各處滿目瘡痍，不少位處海邊的屋苑首當其衝，「食到應」。港島區的海怡半島，座向東北方的會所有幾幅玻璃幕牆碎裂，屋苑內的海濱長廊地磚亦被吹起，居民直指「去年天鴿先整完，而家又爛晒」。

居住海怡半島多年的九叔指，「今次仲勁過天鴿」，「同溫黛有得揮」，他指昨日見到海水撞向近岸的礁石，浪花湧至近八樓高，不過他表示「未驚過，香港人有咩好驚，啲樓起得咁好」，「溫黛打嚟嗰陣我十一歲，溫黛我都唔驚，有咩好驚？」

帶同子女到附近視察風災後情況的陳先生指，今次政府的宣傳足夠，對市民起到警惕作用，又指自己經過政府不斷宣傳，都為玻璃窗貼上膠紙防爆，「之前都未試過，今次真係驚」，「棟樓望住係咁搖」。不過他的一對子女就指未感到害怕，昨日打風時留在家中閱讀。

不過屋苑有不少小朋友都襯今天的假期，到公園玩耍，「連放三日好開心」，「我鍾意颱風，可以放假去玩」。