【颱風山竹．有愛】旅遊巴司機義載粉嶺出九龍塘　市民：超級感動

山竹走後，香港滿目瘡痍，交通更幾近癱瘓，東鐵線路全線受阻，九巴大部分路線要停駛，打工仔今日返工苦不堪言。有住在粉嶺的居民原本打算要行路去上水站，再乘車到九龍塘，沿途做步兵時竟有愛心旅遊巴義載，真是人間有愛。

住在粉嶺的市民Mary 今早在社交平台中貼文，她指粉嶺沒有港鐵也沒有巴士出九龍，本打算行路出上水，再轉車到九龍塘，不過沿途被塌下的樹木阻路，根本無法前進。她行去粉嶺站博一博，看看有沒有接駁巴，但最終還是失望而回。

不過天無絶人之路！就在此時，她見到有輪旅遊巴，車頭貼了張A4紙寫住九龍塘，旅遊巴司機更大嗌：「去九龍塘呀！快啲上車，唔收錢呀！」她起初以為是港鐵派車來打救一眾粉嶺居民，但司機否認，更再三講明不收費：「哎，唔收錢呀！快啲上車！」上車後她才知對方原來剛剛收工（不是港鐵），所以開順風車接載市民，「真係超級感動」。樓主更指在車上看著司機大哥的背影，覺得他甚為有型。雖然因馬料水路段交通阻塞，最後未能送達到九龍塘，要在沙田下車，但樓主坦言已感到很滿足，相當有愛。