【保安漏洞】多個公屋鐵閘易撬開　深水埗屋邨成爆竊重災區

東涌逸東(一)邨的康和式居屋座數近日爆出鐵閘保安漏洞，不過，受影響的其實並不止此屋邨，不少同期落成的公共屋邨亦身受其害。同時，不少屋邨內的和諧式樓宇所使用的風琴式鐵閘，其保安漏洞曾令房屋署一度採取行動「補鑊」，引來署方以雙重標準執漏的質疑。

和逸東(一)邨同樣受鐵閘問題困擾的屯門富泰邨，早年因爆竊問題嚴重，成功「打動」房署，為其加上防盜設施。「因為當時都發生咗幾宗爆竊案，有個數字喺手，互委會透過屋苑管理諮詢委員會處理，房署先肯喺風琴式鐵閘加長型防盜鐵片。」屯門區區議員陳文偉指，邨內並有兩種鐵閘，一種是風琴式鐵閘，另一則和逸東(一)邨康和式居屋使用的款式相同，惟後者未獲房署「補鑊」。他直指，同一條邨的居民中，只有部分人的安全問題獲處理的做法並不公平，希望署方可一視同仁，而為康和式居屋鐵閘加上鐵片並不會花費太多金錢，工序亦不難：「但有時房署嘅回覆都好無稽，佢會話個鐵閘設計本身係咁。」

另一個爆竊重災區為深水埗白田邨和富昌邨。邨內和諧式樓宇的風琴式鐵閘使用已逾20年，但由於鐵閘的鐵柱間隔疏離，賊人不需豁外工具，徒手便可伸入鐵閘和木門之間的空隙扭動門鎖。和富泰邨相同，白田、富昌兩邨鐵閘下方獲房署加上豁外長型鐵片，將罅隙收窄，令人無法伸手入內，以達防盜目的，惟深水埗區區議員梁文廣指，2014年時發現結果不似預期：「啲鐵片只係上下各用兩粒釘釘住，賊人一踢就爛，之後就可以用返舊方法開閘。」加上裝上鐵片的只有鐵閘下方，不法之徒照樣可從鐵閘上方的罅隙伸手入內，而兩邨自年初至今，已發生至少10宗爆竊案。

梁文廣曾建議房署為受影響住戶更換鐵閘，但至今署方仍未有任何行動。「房署一直強調3重保安，包括密碼鎖、保安同木門，佢哋話只要住戶鎖好木門，被爆竊嘅機會率好低，所以冇必要換。」不過，他認為現時的公共屋邨人口密集，保安未必能完全防止陌生人出入樓宇，若只靠木門這最後的防線，只會為賊人徒添下手的機會：「硬件配套已經追唔上保安漏洞，加上人口變得密集，如果重依賴嗰3重保安，咁真係好落後。」

要解決問題，他認為房署應先為住戶作出補救，惟他強調補救亦不安全，只可作短期措施，長遠來說，政府應制定時間表，為受影響單位更換鐵閘，令居民安心，同時亦應制訂政策，訂下鐵閘的使用期限，過期便需更換。

房屋署就逸東(一)邨問題回覆《香港01》的內容中，提到鐵閘並非法定要求的設施，陳文偉直斥此說法荒唐：「咁講不如唔好畀鐵閘！你話鐵閘唔係必須，但知有問題又會補鑊，咁點解補鑊都要雙重標準呢？」梁文廣亦指，2011年前後落成的居屋未有裝上鐵閘，當時引來極大反響：「房署當時話冇必要裝，但後來出咗事，房署都跪低，幫新嘅屋邨裝返，咁已經見到鐵閘嘅重要性。」