【戈壁馬拉松】7日只洗臉唔沖涼　兩港女勇闖250公里路　

熱血，難道只是年輕人的專利嗎？半個月前，Wendy與阿Liu剛成功闖過戈壁，除了以滿腔熱血挑戰自己，更為「綠惜地球 The Green Earth」籌得$25,000，盡一分綿力扭轉環境「膠局」。

現時52歲的Wendy是一個音樂學院的負責人，本身並不是任何環保團體成員，但日常生活中十分注重環保，也熱愛行山和跑步，對於馬拉松比賽中棄置大量的膠樽、紙杯「睇唔過眼」。今次參加戈壁馬拉松（Gobi March 2018），一來希望挑戰自己，二來亦想喚起大家的環保意識，遂主動問環保組織「綠惜地球」：「不如幫你哋籌款啦？」，對方當然樂意之極。

戈壁馬拉松的比賽路綫跟隨成吉思汗的腳步，最終在十三及十四世紀的成吉思汗帝國首都哈剌和林完結。一連七日的賽事，除了水和帳幕，其餘所有物品都要自行攜帶。背負近九公斤重的背包，途中要攀山涉水，還要應付突發情況和多變的天氣。

Wendy向《香港01》分享，每階段的路程長42至50公里，唯獨其中一段「Long March」要在一日內完成70公里的路程，而當日不幸下大雨、雷電交加，雨水浸過了不少路標，附近亦不見其他參賽者。到了晚上，氣溫急降至攝氏3、4度，二人心想：「難道要中途退出比賽了嗎？」一轉念：「唔得，有人撐我哋，捐咗錢㗎喎！」最終歷盡18小時，於當晚凌晨四點完成賽事。

今次比賽的主辦單位Racing the Planet亦有堅守環保原則，要求參賽者自備2.5公升的大水壺裝礦泉水，不提供支裝水；參賽途中若有三急，使用過的紙巾也必須用垃圾袋裝好帶回營地處理，不可留在野外。Wendy指草原空曠沒有大樹，需要如厠時只將背囊放在旁邊，「大家都好open，其他人見到就知你係去緊廁所，唔係暈咗！」而由於大會只提供飲用水，若有參賽者用飲用水洗澡，將會遭到加時處分，所以7日來她只可洗臉。「嗰度冇網絡，每晚8點幾就瞓。其實人都不過係動物，生活可以好原始同簡單。」她慨嘆在蒙古仍可找到壯觀的草原景色，但隨著内陸地區亦逐漸改革開放，在比較鄰近村莊的地方竟也會見到隨處抛棄的膠樽和垃圾。

「我自己鍾意做運動（行山、跑步），其實都係因爲鍾意大自然。我相信冇人想蓄意破壞環境，好多時都只係貪方便，但如果欣賞大自然，就唔應該再破壞佢。」

從11月報名後展開一系列的負重訓練，最後二百多位參賽者中，Wendy和啊Liu分別排行196及197。「其實冇話追咩名次，只想挑戰自己，完成比賽。最感動嘅係一啲唔熟嘅朋友、甚至唔係香港人都願意捐款、支持我哋。」今次籌得$25,000，Wendy指已經達成目標。

問到過程中最令她深刻的經歷，她驚喜地表示遇到一位來自韓國的男選手，沿路一直提著黑色大垃圾袋撿走垃圾；又有一位日本選手全程在踢著足球。「其實每個人都喺到堅持緊一啲嘢，呢次比賽都係一種沉澱自己嘅方式。」