【廚餘月餅】用5年時間研發　豆渣製成環保月餅

中秋臨近，市面出現各式各樣的有趣月餅，原來豆渣都可以唔使嘥。「有啲人咪嫌月餅肥膩嘅，所以我哋依個月餅算喺清新版。」有宣揚永續生態的廠商以被常人棄掉的豆渣為餡，再用有機材料和不添加化學劑，製成有機的豆渣素月餅，至於味道怎樣就要食過先知。

製造這個環保月餅的是位於火炭的喜點廚房，那是間有機公平貿易生活平台的食物工場。負責人黃小姐表示，之所以會有製造豆渣月餅的想法，是因為他們有製作豆腐和豆漿，剩了不少豆渣。「其實日本有好多豆渣產品，我哋之前都有研究過用豆渣整月餅，但因為嗰陣未有工場牌，要交畀人哋手整。」他們5年前曾製作過一次豆渣月餅，在去年得到食物工場牌照前，已經不斷改良配方和工序。

豆渣即是以大豆製作豆腐或豆漿時過濾後剩下的殘渣。黃小姐指豆渣比豆漿和豆腐更有營養，因為豆漿和豆腐過濾殘渣同時，也會過濾了大豆的蛋白質和膳食纖維，所以豆渣更能保持腸道暢通以預防香港第一大殺手－大腸癌。

黃小姐表示，豆渣整月餅的工序繁複，「磨碎咗嘅豆渣要焗同煮。」而且每次加工的時間都不同，必須因應豆渣的乾濕程度而調整。「製作嘅工序同傳統月餅完全唔同，所以上次整開傳統月餅嘅師傅都覺得好煩。」最終他們用了5年時間研究，終決定今年親自製作出售。

豆渣月餅除了有豆渣，也混合了雪松仁黑朱古力，「咁豆渣月餅感覺得體啲。」黃小姐表示月餅都用上英國麵粉和俄羅斯雪松仁，「外面朱古力都會為咗處理朱古力酸性而落添加劑，我哋由雪松仁開始整都冇落任何添加劑，咁先唔會削減朱古力抗氧化功能，保留口感。」