【車位不足？】廣源巴士總站違泊　巴士被困出唔到站

香港私家車數目愈來愈多，隨之而來的是各區車位都出現短缺，部分司機會選擇「偷雞」將車輛違泊街上，不過其實此舉往往會阻礙交通。沙田廣源邨巴士總站，就發生了因車輛違泊，巴士轉彎時「出唔到站」的事件。一眾違泊司機被批評的同時，區議員亦認為車位不足才是主要原因，促政府盡快在區內增加車位。

廣源邨巴士總站有多條巴士線作為終點，日前晚上有街坊發現，一輛49X巴士欲駛出站外時，因站旁路邊泊滿了一排私家車，巴士轉彎時疑「唔夠位」被塞死在站口。幾經擾攘之下，排頭位的私家車車主回到現場駛走車輛，巴士才成功開出。

沙田區區議員陳敏娟指，上址一帶的車輛違泊問題由來已久，雖然過去已增掛橫額提示，亦在關鍵出入口位置加劃了雙黃線，但問題仍然持續，她認為歸根究底是源於車位不足，屋邨附近嘅停車場已經成日爆滿，居民嘅車根本冇位泊，大時大節有訪客嚟到，情況就更加嚴重……雖然政府口講唔加車位係因為唔鼓勵市民買車，但實際上私家車數目一路增加，完全係惡性循環。」

陳續指，除了巴士總站有違泊問題，旁邊的小巴站亦是一樣，小巴常「埋唔到站」，行人要行出馬路上車，「個情況唔係一時三刻可以解決到，過往我哋試過自己去擺啲雪糕筒，叫司機要自律唔好亂泊喺啲出入口位置，但有時都仲係會有車停泊。」她表示，在車位數目獲增加之前，現階段只可以要求警方加強巡邏及發出告票，希望能收阻嚇之效，令該處交通維持正常。