【搶食金拱門】蘇屋邨日日出沒　馬騮飽晒居民嬲嬲

素有「馬騮山」之稱的金山郊野公園，因住了數千以計的猴子而聞名，山下的長沙灣蘇屋邨因位置鄰近金山，常有猴子走入邨內覓食。日前更有猴子在邨內範圍搶去街坊所買的麥當勞餐，將麥樂雞、薯條等散滿一地後，大模斯樣地坐在主要通道開餐，引來居民圍觀之餘亦大呼「好恐怖」。地區人士表示，野生猴子不宜在邨內出現，呼籲街坊不要胡亂餵食，讓其回歸自然環境。

蘇屋邨自開邨以來，一直都有猴子為患，而屋邨完成重建和入伙後，猴患問題仍然持續。蘇屋邨居民協會社區幹事何坤洲指，剛開始入伙時，猴群只是不定期從山上走落屋邨，零星在邨內徘徊，惟近月卻是日日見到，更開始「搶嘢食」，「自4月開始，日日都會見到有幾隻馬騮落嚟搵食，起初見到佢哋都有啲驚人，點知愈來就愈大膽，前日仲搶街坊啲薯條食！」

他表示，日前街坊手持外賣時被猴子搶奪，引起一眾居民嘩然，他知悉有部分街坊因猴子樣子可愛，不時「好心」餵食，但他不認同這種做法，「餵嘢食會令佢哋習慣咗落嚟屋邨，長遠嚟講對居民唔係好事。」他又指，為了改善屋邨猴患問題，早前房署已因應漁護署建議將邨內有果實的樹木移除，屋邨職員亦學習了驅趕猴子的方法。何希望街坊能和政府部門一同合作，讓野生猴子返回山上，回歸自然環境生活。