【冇人認頭】南區被霸公家路閒置多年　路權至今仍未被回收

近珍寶王國碼頭、深灣遊艇會旁的一條行人路數年前被傳媒踢爆為「公家地」，但一直遭遊艇會圍封「私有化」後，南區區議會曾為有關道路作新規劃，令更多居民可以使用。不過，計劃膠着至今仍未開動工，有區議員指是因道路的路權至今仍未有政府部門收回。

有關路段十多年來都被深灣遊艇會「私有化」，以鐵閘圍封，並關上出入口，到2012年被踢爆為政府土地，惟被揭發6年，行人路至今仍未被政府收回，而鐵閘仍掛上會員專用的牌，令不少人以為不准內進，而知情的街坊只可從閘旁的空隙進入。南區區議員徐遠華解釋，狀況膠着至今和土地尚未有政府部門「認頭」接手有關。

「其實遊艇會都知自己理虧，但最主要問題係地政同路政，佢哋當時不斷要求搵返啲法律文件，去釐清返係邊個負責、當年起好咗路之後，有冇還返畀政府。」徐遠華日前聯同運輸署、路政署、地政署等部門和遊艇會一同到現場視察，他指行人路現被地政署定為公共道路，望路政署可以接手管理，但仍遇阻滯。

由於遊艇會聲稱路權多年前已交還政府，故多年來只有保養籃球場附近、會員會使用的路段，行人路較前一段則一直無人打理，欠缺保養和設施。「因為條路要合乎一啲標準，路政署先會收返，例如一啲街燈、排水渠道、路要平整等等。」不過徐遠華表示，一直欠缺保養的一段路未符合有關政府標準，故部門遲遲未收回管理，其他部門亦因此無法屢行清潔、加裝無障礙設施等責任。

其實區議會較早前已通過收回遊艇會以短期租約租用的籃球場用地，並將之改建為兒童遊樂場，但由於用地對開的行人路管理權誰屬問題遲遲未解決，令地政署無法將籃球場地批出，工程亦遲遲未能得到區議會撥款：「如果條路開通到，就即刻撥到款興建兒童遊樂場。」徐遠華指希望部門可以考慮折衷可行的方案，令計劃可以開始進行：「睇下可唔可以收住現成呢段路，起咗遊樂場先，因為興建都需要半年至一年時間，其他路段可以慢慢處理。」

「而家遊艇會初步同意，可以負責做返部分維修保養，但如果係要搞晒成條路，佢哋又未必肯。」徐遠華指遊艇會已承諾拆去鐵閘，亦認為要令道路符合路政署的標準，只是時間問題，但需有部門「認頭」統籌，否則「唔知要踢多幾腳先會郁」：「我2013年將件事攞咗上區議會傾，到而家都5、6年，如果搞10年都搞唔掂，係無可能接受。」