【新鈔票】100元草圖用內地「名伶」 羅家英曾質疑點解唔搵港人
撰文:李家偉
出版:更新:
金管局昨日公布三間發鈔銀發行的新鈔,當中100港元新鈔的樣式,以粵劇作為主題,然而印在鈔票上代表香港的,究竟是哪位名伶?
《香港01》向演藝名人、粵劇名伶羅家英查詢,他透露,原來新鈔草圖上最初出現的不單止是內地人,更只是業餘人士;最後經一眾老倌反對及建議,才改為由香港人「出演」。
而對於新鈔包含粵劇元素,羅家英在電話上亦難掩雀躍心情,笑稱「當然好開心啦!」
去年接查詢 冀老倌就新鈔提建議
羅家英接受《香港01》查詢時表示,八和會館主席汪明荃、粵劇名伶阮兆輝及自己幾位業內老倌,在去年年底開始收到發鈔銀行的查詢,希望就新鈔的樣式提出意見。
「香港都好多人做粵劇,點解香港鈔票唔搵返香港人?」
羅家英透露,銀行是先完成拍攝工作擬訂草圖,再向他們查詢意見;當時經了解後才發現,最初草圖上的粵劇「名伶」真身原來都是業餘的內地人,他批評最初版本「業餘唔專業」,又提出質疑:「香港都好多人做粵劇,點解香港鈔票唔搵返香港人呢?」遂向銀行方面建議人選。
最後面世新鈔上的粵劇「名伶」究竟是誰?原來並非在粵劇界享負盛名的任劍輝、紅線女等大人物。
羅家英指,鈔票上的其實都是一些學習粵劇的香港年青人,當中動作及化妝都有粵劇團作指導。在經歷近一年的大改及重新設計,新鈔最後得以面世。
羅家英指鈔票呈現粵劇 反映政府十分重視
作為難得能夠參與新鈔設計的演藝名人,羅家英表示各間銀行做法不同,「有啲銀行改咗兩次,有啲改咗三次」,坦言過程「好辛苦」。但問到粵劇被印在新鈔上的感受時,羅家英瞬時十分激動,「當然好開心啦!估唔到粵劇可以喺香港嘅鈔票上表現到出嚟,」認為政府及社會都十分重視粵劇文化,對此感到非常鼓舞。
![hotline](https://01web-strapi.hk01.com/upload/entrance_banner_a5093e637d.jpg)