【爭取N年】過路處意外頻生　荃灣區議員促加快裝紅綠燈

荃灣有屋苑內的過路處常被街坊投訴是「交通黑點」，上星期該處又再發生意外，導致一名行人受傷，需送院治理。有區議員促路政署加快在該處裝設交通燈，以免再釀意外。

上星期5早上，一名女途人在荃灣麗城花園2期往灣景花園的過路處過路時，被車撞倒受傷，需送院治理。不過這其實並非單一事件，荃灣區區議會副主席黃偉傑指，該處過往亦曾發生交通意外：「根據過往紀錄，平均每年都有一至兩宗，雖然唔係致命，但都係有意外發生，加上個位置有好多讀小學、幼稚園嘅小朋友行。」

過路處現時未裝有交通燈，但路旁有設置黃色閃燈，路面亦畫有黑白相間的斑馬線，警告駕駛人士要讓路予在斑馬綫上橫過馬路的行人。「有啲司機可能比較心急，覺得會快得過佢(行人)，唔讓路，結果就釀成意外。」黃偉傑續說，曾就此問題向運輸署反映：「研究咗好長時間，喺嗰個位裝紅綠燈對區內交通有咩影響，到運輸署確立建議可行，已經有2017年底嘅事。」

確立建議可行後，署方於去年11月將文件上呈區議會立項，並將工程交予路政署跟進，但由於工程繁多，該項目要等到2019年第一季才能展開。「未發生意外之前，我哋同路政署傾過，希望加快進度，不過都冇被接納。」黃偉傑指，希望有關部門可以加快加裝交通燈，而現時亦可先展開前期工程。

其實不只是駕駛者，黃偉傑指有時候行人橫過馬路時，亦有不守規矩的情況出現，故亦希望警方可以在該處加強執法：「不過都係短期阻嚇措施，希望無論行人定駕駛者因為咁都會警剔一啲。」