【東區後花園】鰂魚涌建太極徑遇阻滯　教育局被斥霸死地

位於鰂魚涌柏架山、有「東區後花園」之稱的林邊一塊用地，年前於區議會通過撥作開闢太極康樂徑，為市民提供休憩之處。不過，正當一切蓄勢待發之際，計劃卻遇上阻滯，背後竟和教育局有關！

林邊自1998年平整後荒廢至今，但多年來卻引來不少爭議。早有國際學校要求使用該處，興建學校和天橋，遭居民反對而撤回申請，後來居民向城規會申請將林邊改劃為綠化地，但亦無功而回。為了保護用地，同時令它不致荒廢，有區議員於2014年動議於該處開闢太極康樂徑，讓街坊也可以享用此社區資源。本來政府亦回覆指建議可行，惟後來遇上阻滯：「但規劃署後來就覆返我哋，話塊地劃咗畀教育局起學校。」東區區議員梁穎敏說。

林邊用地本被劃作政府、機構或社區用地，若教育局於該處興建學校，亦符合用途，不過梁穎敏直指居民同區議員都希望「保住塊地」：「唔郁都冇問題，總之唔好起學校！」她指，如用地改作如林邊屋(紅屋)般的教育用途設施，亦不會作出反對，但興建學校勢為居民帶來噪音、景觀和交通問題：「主要係佢條路好窄，如果係起國際學校，可以預想到除咗校巴之外，仲會有好多私家車。」

本來興建太極康樂徑的提議可滿足地段用途，同時亦能令居民於該處休憩、舒展筋骨，不過部門的回覆令他們相當失望：「佢話即使撥咗款、起好咗太極徑，到時教育局有起學校嘅計劃，都要拆晒佢。」梁穎敏指香港有不少空置校舍，認為局方可先用完這些校舍，再開闢新地建學校，而非如現在般「霸死地」。

她指區議會幾乎每次開會都會討論此議題，亦有要求教育局，但每次的內容都欠說服力，有如搬字過紙：「教育局每次都係覆我哋，林邊係全港唯一mark咗畀佢哋嘅地。我哋搵過規劃署、發展局、環保署傾，佢哋都係答塊地畀咗教育局。」

事情至今仍處膠着狀況，梁穎敏指區議會亦不可貿然撥款興建太極康樂徑，待局方一聲令下又將之拆除。「我哋要要求到教育局放咗塊地先，之後再排隊申請撥款，如果唔係說服唔到公眾。」昨日她已向政務司司長張建宗反映問題，要求他跟進事件，為街坊保住後花園。