【七一遊行】港鐵沙中線醜聞惹不滿　市民直斥：馬時亨日日做騷

民間人權陣線（民陣）今日（1日）舉行「七一遊行」，主題為「結束一黨專政　拒絕香港淪陷」。就近月港鐵沙中線多個車站被揭發建造不當醜聞，有市民製作道具，批評港鐵枉顧港人安全，要求政府嚴查真相並對外交代清楚，又直指港鐵主席馬時亨「唔適合坐呢個位」、「日日出嚟做騷咁。」

民陣「七一遊行」於下午3時在維園球場出發，沿途有不少市民加入隊伍。近乎每年都會參加遊行的市民鍾先生，則與家人連夜趕製關注港鐵問題的道具牌，寫上標語「多少恨，月台剪鋼筋，命仔有難騰騰震，佢話OK你頭暈，問責需認真」。

自製標語「多少恨，月台剪鋼筋」

他指，港鐵未能交代清楚沙中線紅磡站有問題鋼筋數量，令公眾相當不滿，「對於我嚟講，一筋都嫌多，影響月台結構穩定性㗎嘛，現在有一根就代表之後仲有無限多筋（有問題）。」他又表示，港鐵近日於各大報章刊登聲明，有偏幫總承建商禮頓建築（亞洲）之嫌，「禮頓話無問題，港鐵就話無問題，係好唔合理。會令人懷疑佢哋有咩（利益）關係。」他希望政府委任的獨立調查委員會可徹查事件，向公眾交代「真相」。

對於馬時亨早前的「OK論」，鍾先生直言十分不滿，「佢係好應該為事件負責，唔適合再坐呢個位。」

第四年參加遊行的市民梁小姐就認為，馬時亨近日對外界公布沙中線情況，猶如「做騷」，直言對該醜聞感到「好離譜」，「現在有公司（分判商中科興業）出嚟講情況，但局長（運房局局長陳帆）卻叫人有證據就搵執法部門，人地咪出咗嚟講，對佢哋真係好失望。」

她續指，有社交網站出貼文「唔好搭沙中線」，雖然自己對該線路安全存疑，奈何居住及工作環境都以地鐵為主，形容是「焗住要搭」。至於港鐵昨日（6月30日）起施行新票價，梁小姐批評道：「加價，但服務又冇提升，故障又多。可加可減機制都無用嘅。」

中四學生批建制派否決用特權法調查

就讀中四的陳同學對港鐵的連串事故感震驚，直言無想過香港會有「豆腐渣」工程出現，認為港鐵是有恃無恐、「唔驚香港人」，他指不明白為何建制派議員聯手否決用特權法調查，就如縱容港鐵「Hea香港人」；他認為港鐵高層應立即下台，以示對事件負責。

另一市民陳先生表示，港鐵工程愈來愈像大陸的「豆腐渣」，認為每個市民都要乘搭港鐵，所以其工程安全是極之重要；而港鐵「擠牙膏式」的公布手法對市民造成恐慌，又希望港鐵立即徹查事件。