【埋唔到站】違泊黑點打回原形 巴士業界：要加強執法

各區道路違泊不絕，部分路段已不止「小小擾民」，更令巴士業界相當頭痛。巴士業界和多名區議員曾要求警方加大打擊違泊問題力度，惟一年過後，多個違泊黑站還是打回原形。

去年初曾有巴士因未有對準站頭上落客，而被警方抄牌，激發起巴士業界的「埋正站行動」，亦令人關注令巴士無法埋站的原因─違泊。事件發生後不久，巴士業職工會聯盟，聯同多位區議員到警察總部，羅列出全港多個違泊黑點，要求警方加強執法，打擊違泊問題。不過，一年過去，問題似乎又回歸原點。

「遞咗信之後，有一輪警方好高調執法，改善咗情況，但之後又係咁。」巴士業職工會聯盟總幹事曾昭文對《香港01》表示，即使警察到場維持交通秩序，警員走後問題又再出現：「警察『棟』喺度，啲車咪走囉，但警察一走咗，啲車又泊返喺度。」

將軍澳銀澳路、灣仔軒尼詩道、干諾道中等曾被列為違泊黑點，困擾巴士業界，曾昭文說其他地區的情況亦相當嚴重：「尤其是荃灣楊屋道街市嗰邊，好多商販喺嗰度上落貨，所以啲巴士都埋唔到站。」他指業界之前也有和運輸署、警方開會商討此問題，要求加強執法及增加交通督導員人手，但未能得到共識。

有區議員指，運輸署正研究重畫將軍澳銀澳路，將馬路的黃線劃入巴士站，以改善情況，但曾昭文質疑此舉成效：「其實畫線都係啲警示性措施，始終都係要警察加強執法先有用。」