賽狗場格力犬適應香港生活無難度　麥志豪：佢哋係寵物獵犬

具87年歷史的澳門賽狗活動即將落幕，600多隻競賽狗格力犬的去向成為焦點，不少港澳有心人士紛紛表示希望領養，在風浪過後，為牠們提供一個安樂窩。不過，由競賽犬變成寵物犬，格力犬來港生活到底能否適應？

格力犬為獵犬的一種，由於其速度相當快，故普遍被繁殖作參加競速比賽之用，不過非牟利獸醫服務協會執行主席麥志豪指，非「唔畀佢跑就會死」：「佢哋唔係唔跑唔得，格力犬係寵物，有時間同佢哋跑兩下已經足夠。」他認為現時的賽狗活動要犬隻「由朝跑到晚」，是摧殘了其本性：「佢哋而家唔做競賽犬，轉做家養寵物個過程其實好易。」過往港澳亦有領養退役格力犬的先例。

賽狗一直為愛護動物團體垢病，認為是虐畜行為，但在澳州、愛爾蘭、美國部分州分仍是合法：「好多人以為西方國家會文明啲，但其實有啲國家仍有動物競賽嘅概念，西班牙重有比賽畀動物追活兔。」麥志豪認為賽狗和賽馬同是動物競賽，但前者引起更多人關注，是因不時有人強調狗是人類的朋友。

對於是次事件，他認為問題的癥結在於一間公司結業，老闆如何處置『員工』：「人都會有遣散費啦，點都唔可以係人道毀滅。」他堅持剩下的格力犬不可以運返內地，擔心在沒有法律保障的情況下，犬隻會成為食用犬、輸血犬：「因為內地冇動保法，香港都重有第169章(《防止殘酷對待動物條例》)、漁護署同NGO監察。」