【拖足3個月】康體設施四部壞三部　荃灣區長者無得拉筋

經過公園，時不時都會見到有老友記站在名為「上肢牽引器」的設施前，手執兩條鋼索「拉下拉下」，以鍛鍊雙臂。這款康體設施相當受長者歡迎，此設施在荃灣海濱公園本來有四部，月前一下子壞了三部，而且拖足兩個月，至今仍未動工維修！

荃灣海濱居民促進會成員莫遠君對《香港01》表示，荃灣海濱公園共4部上肢牽引器，其中1部曾於1月時發現受損，署方於2月中完成該項維修。不過，4月再有另1部上肢牽引器損壞，通知康文署維修後，促進會成員上周5(6月15日)再到場視察，發現壞了的設備尚未修好之餘，更發現4部上肢牽引器中，有3部損壞，當中更包括年初才修理過的：「有啲人用得唔係咁正規，譬如有小朋友攞嗰條鋼索嚟拉扯，又有人直情攞兩邊個鋼索嚟做引體上升。」

無零件  唔維修

壞足兩個月，莫遠君更指康文署有職員對他說，估計要到7月中才能完成維修。要花如此多時間，其實跟康文署的維修政策有關：「佢(康文署)解釋個設備入面有個齒輪要訂購。佢哋個維修組要收到維修order先會訂貨，每次訂貨可能要等一兩個月，再安排維修可能要3個月有多。」

康文署雖有其既定維修程序要跟從，但莫遠君認為沒理由3個多月仍未整好：「我覺得唔合理。康文署畀資料我，其實2017年上肢牽引器已經維修、更換咗6次。既然你都有紀錄，呢個上肢牽引器係維修得（頻）密，點解唔預留一啲零件，一壞就即刻整呢？」加上民政事務局局長劉江華曾於去年回覆一個立法會質詢時表示，將為部分兒童遊樂設施預留零件，令他質疑為何當局不可「一視同仁」地對待長者設施。

4萬人用4部機

社區中可供老友記鍛鍊上肢肌肉的器材不多，荃灣海濱附近兩萬居民只可共用海濱公園4部上肢牽引器，而服務荃灣西兩萬居民的荃灣公園更沒有此類設施。4萬人共用4部上肢牽引器，可見設備的負荷相當重。而上肢牽引器等待維修期間，署方曾建議區內長者可使用同樣可鍛鍊上肢、位於荃景圍遊樂場的上肢伸展器，不過莫說有街坊認為該設施作用不大：「加上我都冇理由叫啲老人家山長水遠搭車去，就係為咗拉嗰兩下！」