【酷熱天氣】收成少一半農田要棄耕 港農：唔敢落種子
撰文：阮淑賢
出版：更新：
酷熱天氣持續兼多日沒有雨量紀錄，何止人都癲，蔬果農地都曬到燶！本地有機農場農夫對《香港01》表示，近月天氣持續暴曬乾旱，收成減少近半， 現在有一半農地空置不敢落種，大家只好食老菜。若天氣仍持續酷熱又無雨，本地菜供應量將會大減。
「天氣咁熱，本來每日要淋三次水，為保持泥土濕潤降温，要一日淋五至七次水。我啲農地都係用井水做灌溉水，但係呢排好少井水，抽井水入水池只抽到三四成滿，連灌溉水都要慳住用。」元朗錦田的歐羅有機農場負責人黃如榮說。
黃如榮說，因為連日暴曬又乾旱，收成已比以往同期少一半。「瓜豆有個種植計劃要調慢少少，大塊葉的葉菜例如莧菜、通菜都好吸水，所以唔落苗住。呢啲菜可以有多次菜收，變咗面對前期發芽問題少啲，可以摘多幾次老枝頂住先，但係菜的質素會愈來愈差。」不過黃亦補充，他們亦不敢貿然提高蔬菜售價。
【酷熱天氣】下周可能打風 菜價有排貴 生菜貴得最誇張【酷熱天氣】天文台籲市民小心「熱親」 料34度高溫持續至周五 【酷熱天氣】大旱重臨憂「制水」？林超英解畫：提醒市民雨水減少【東江水】酷熱天氣警示旱情 供水自主豈容忽視酷熱天氣警告生效逾200小時 挑戰最長命紀錄 天文台熱爆34.7°C【今日天氣】酷熱天氣持續 最高34度 紫外線強度極高
農夫唔敢撒種子
預計未來蔬菜供應量大減，皆因農夫們不敢撒種子。「種子或幼苗需要的水份更多，雖然話可以用啲遮光布遮住唔好咁曬，但我塊地有成兩個足球場咁大，邊遮得咁多？」供水不足，難以應付20萬平方呎農地，黃說雖然有兩三成土地已開墾，但近日也要棄耕。「其實依家除咗唔夠水，下午農地也好曬，莫講啲菜頂唔住，農夫都曬到中暑，惟有早啲起身，中午時間休息，傍晚才出來再耕作。」
農夫日出而作，日入而息，已經成夢話。「做農夫都係睇天做人，好天曬落雨淋，都是天意。」