【輾斷雙腳】傷者夫婦花墟開舖 鄰舖行家感心噏﹕佢哋超級好人
撰文：楊婉婷
出版：更新：
36歲兩女之母在一場車禍中失去雙腳，即使性命垂危，躺在病榻上仍牽掛著丈夫和女兒。夫婦二人在旺角花墟經營花店，據鄰舖職員指，事主丈夫子承父業，10多歲時便不時落舖幫手，父親離世後便接手衣砵，妻子閒時亦會相助，職員形容夫婦「超級好人」，對於飛來橫禍感到心酸。
《香港01》記者在旺角花墟尋獲姓杜女傷者的丈夫，他正忙於工作，未有回應事件，僅雙手合十稱﹕「有心有心，而家OK，冇生命危險。」
據鄰舖職員嫻姐透露，女事主丈夫現年30多歲，他子承父業，自幼在舖頭幫手，「由細睇到佢大」，數年前其父親離世後，便接手花檔。夫婦二人十分恩愛，「好好禮貌，超級好人」，經常向其他舖頭伸出援手，守望相助。嫻姐說，平日主要是丈夫及員工打理舖頭，妻子主力照顧女兒，但舖頭人手不足時也會幫忙。對於發生交通意外，嫻姐直言好心噏﹕「唔知邊方出錯，但如果司機出錯就好慘，累到佢咁，兩個細路女又咁細，大果個先2歲。」