【輾斃拾荒婦】車禍前20分鐘　剛打1823投訴無跟進　村民憤怒無奈

大型貨車往來頻繁、車速又快，對屯門順達街附近村民造成困擾，出入提心吊膽。即使有人向政府反映問題，情況亦無改善。昨日（19日 ）順達街垃圾車撞斃老婦意外發生前20分鐘，原來有村民曾致電1823向政府部門投訴，豈料仍無法阻止一條人命被垃圾車奪去。村民對事件感到憤怒，直言「好無奈，好唔開心」，昐政府正視問題，以免再有人命傷亡。

俾我不幸言中，我自己都唔想，個心都好唔舒服。如果警方同有關部門執法，可能阿婆噚日唔使死，可以挽救到條生命。

肇禍婆婆拾荒八年　「平時會提佢小心」

順風圍村民張先生指，順達街附近設有回收場，一直有大型車輛出入，車速又快，村民已就此事多番向政府部門反映，希望可以改善問題。而昨日慘遭輾的婆婆，8年前起執垃圾，張先生知道她有3名兒子，惟他並不認識，「佢執咗好多年垃圾，平時會提醒佢小心啲」，因大型車輛、垃圾車開得很快，馬路兩旁又泊滿車，有時甚至有車逆線行駛，車房岀面又泊滿車，「行人焗住行岀馬路 」。

如有關部門正視問題　可挽救生命

張激動指，昨上午8時54分曾致電1823，投訴有關路段的交通問題，無奈約20分鐘後婆婆便岀事，「俾我不幸言中，我自己都唔想，個心都好唔舒服。如果警方同有關部門執法，可能阿婆噚日唔使死，可挽救到條生命。但係好無奈，我自己好無奈亦都好憤怒，點解我投訴咁多次，冇人去正視，冇人去執法」。

張先生不忿政府部門賴理市民投訴，昨午即以電話錄影其通話紀錄，片中可見昨日上午8時54分，亦即意外發生前20分鐘左右，他曾致電1823投訴；另外亦四次致電投訴警察熱線。

「係咪要再搞岀人命，你哋先正視呢個問題」

張指，其實以往多次向政府部門投訴，但毫無寸進。前日（18日）下午約1時，他橫過馬路時，亦險被車撞，「情況危急， 即刻打去999 」。張無奈指，「等咗幾個鐘，都冇人嚟執法」，至下午約5時，他再電999，但仍無人執法，「係咪要再搞岀人命，你哋先正視呢個問題 」。張表示，距離昨日岀事位置僅100米的安全島，過往已發生三次交通意外。

附近有回收場　多長者執紙皮五金轉賣

順風圍村民謝先生表示，昨日得知上址發生致命車禍感到「好唔開心」。謝先生指，平日常見到三位婆婆及兩位伯伯在附近執紙皮或五金物資到回收場轉賣，惟他們多數並非居住鄰近鄉村，且在不同時段岀沒。

行人路狹窄　拾荒者習慣在馬路行走

謝坦言，順達街行人路狹窄，拾荒者又要推着手推車出入，為免妨礙行人，故習慣在馬路邊行走，他直言「覺得好危險」。他指，垃圾車多數於上午9時及下午約3時駛經上址，車速特別快，非常危險。順風圍村長為改善問題，一向有向政府部門反映當區大型車輛車速太快，但即使拍到涉事車輛車牌作投訴，作用亦不大。

意外翌日司機似有所收儉　去年亦發生類似意外

謝指，昨日致命意外發生後，今日司機似乎有所收歛，「今日啲車較慢，平時砰砰聲衝埋去」。他無奈指，「啲婆婆架車裝滿嘢，多數唔行行人路」，希望再無意外發生。他指，去年7月亦有一名女子在安全島對開被撞倒，「十幾廿年都見到佢，執（物資執）得好乾淨，乜都執」。他慨嘆，附近接二連三有意外，「真係好得人驚」。