【消委會】使用預設85折的士App　乘客遇司機反口焗畀正價

近年愈來愈多網約車平台出現，供市民預約的士服務，部份Apps更推出「85折」優惠吸客。
有市民明言，「用App Call車」方便快捷又有折扣，即使明知電召提供85折的的士，法律上「有灰色地帶，但冇辦法，會照樣Call」。
亦有市民稱，曾選擇註明有85折的的士，但到達目的地後不獲折扣，「可以點做？唔通唔畀錢？」

消委會今年1月及2月透過74位調查員，使用「HK Taxi」、「快的打車」、「85截的」、「飛的」、「的神」、「康泰紅綠的85版」及「星群的士」共7個手機Apps網約的士。其中「飛的」、「的神」及「康泰紅綠的85版」約車，會自動為乘客提供85折。而「85截的」則會向乘客確認折扣幅度，如選擇85折後，才向司機發出約車邀請。「HK Taxi」則設有「其他要求」可要求85折。

但消委會實試發現，註明要求85折約車的成功率，比正價約車低近1成，即使獲司機接單，逾3成「埋單」時所獲折扣都不足85折，實際得9折至95折。

賀小姐稱，1個月會乘坐4至5次的士，多數是晚上到中環、銅鑼灣消遣後「Call的士」回家。她稱，曾選擇註明有85折的的士，但「落車嗰陣，司機直接話冇85折」，賀小姐當時感到無奈，但最終都有以正價付款，「可以點做？唔通唔畀錢？」

1星期起碼乘坐3至4次的士的陳小姐稱，傾向「用App Call車」，多於在街上載車。她稱，試過在尖沙咀廣東道，看到「全部的士冚旗，一上到車同司機講去邊，佢即刻冚旗走，好無奈」。陳小姐補充，「用App Call車」最令她滿意是「大家喺App已經溝通好要邊，大家坐低就開車，唔使煩唔識路，唔知去邊度」，「有時就算冇折，我都照樣Call車」。對於「Call85折的」有可能違法，陳小姐稱，「Call85折的」方便快捷又有折扣，即使明知這在法律上「有灰色地帶，但照樣call冇辦法」。

1個月乘搭4至5次的士黃小姐指，有時會在街上截車，有時會「用App Call車」。「如果短途，我會喺街度截車。如果一早知目的地喺邊，我就會搵平時相熟司機，再冇車我就會Call的士」。黃小姐又稱，「Call車」的好處是「隨時隨地、快捷、有折扣」，她補充曾試過在早上的繁忙時間「Call車出機場，5分鐘就有車，好快」。

不過，的士App預設85折作招徠，其實已違犯道路交通相關規例，運輸署指，的士司機需按錶收費，提醒業界須遵照法例營運，並有違例個案交由警方作跟進調查。