指「女士之夜」涉性別歧視　酒吧斥戇居兼荒謬　蒲友叫事主返屋企

一名男顧客控告卡拉OK舉辦「女士之夜」屬性別歧視，獲判勝訴，但有夜場男蒲客反而認為男士付費較高屬天公地道，指責該男原告「俾唔起錢，就唔好去蒲，返屋企玩App」，另有酒吧同業指事件「戇居」兼荒謬，形容「女士之夜」只是酒店做生意吸客的宣傳手法，不涉及歧視，並指「有酒吧推『男士之夜』，難道又係歧視女性嗎？」

男蒲友指裁決破壞夜場生態

據知情人士透露，該名男原告當日旺角夜店「Club Legend」時，門外已明碼實價標示女士半價，入場後疑嫌場內女士太少且「睇唔啱心水」，要求退款不果，轉而指店鋪涉性別歧視。據了解，涉事卡拉OK及的士高俱樂部店主每晚至凌晨四時才收鋪，「唔得閒同佢玩」，所以無理會原告及該案件，亦無派代表上堂。

涉事夜場常客阿陽（化名）不認為「女士之夜」歧視男性，平日女士收費80元，男士則要300元，但他不覺得有問題，反而覺得男士夜場「覓食」，理應付費較多，「去溝女都值呢個差價，如果俾唔起錢，就唔好去蒲，返屋企玩免費交友APP，但玩APP約個女仔出街，請佢食飯都不止這個差價。少少錢都唔肯俾，點識女仔？」他又指，若取消「女士之夜」，令夜場少了女士，男士亦「無癮」，破壞了夜場生態。

酒吧同業指「戇居」兼荒謬

香港酒吧業協會副主席錢雋永回應，形容事件「戇居」兼荒謬，「我估佢（男顧客）無女士之夜，無女仔入場，佢都唔會入場啦！」他又指若入場之前，無標明男女收費不同，埋單才收男士較貴，這才是歧視。

他指早於十年前已有酒店推「女士之夜」，吸引女性入場，同時有不少夜場因女多男少，亦推出「男士之夜」，調節場入男女比例，他認為這只是做生意的宣傳手法，完全不涉歧視。