【政壇諸事町】港股急瀉千點　張華峰：冇緊要㗎，係技術調整！

今早港股急瀉過千點，引起一陣恐慌，連特首林鄭月娥也出聲，呼籲股民要量力而為及審慎投資。不過，經民聯金融服務界立法會議員張華峰就有不同看法，直言今日都「跌得差唔多」，又學丁蟹咁話「冇緊要㗎，今次係技術性調整」。

港股連續兩日下挫，令不少股民心驚膽顫，但「肥老闆」完全未驚過，淡定表示「經濟基礎和內地政策都冇變，只不過係大戶精心製作一個咁大嘅市，然後拆倉」。

而被問及大市何時才能止血，他就輕鬆笑言，「冇緊要㗎，我唸今日都差唔多㗎啦」，又丁蟹上身，稱今次只是「技術性調整」。

雖然港股失守三萬一千點，肥老闆卻不屑一顧，稱「調整咗2000幾點啦嘛，咁你升咗5000幾6000幾，調整40%夠㗎啦。」又說，「就算跌破三萬一千點都係好少事，依家（相差）淨返幾百點咋嘛，幾隻股票郁一郁就係㗎喇。」

至於早上林鄭叫各位股民入市審慎 ，肥老闆就說「依家至審慎，遲㗎啦，唔使驚㗎啦，再落去，冇咩位啦。」

他也奉勸手持一手蟹貨的股民，「呢個時候，如果你渣左股票而綁住呢，唔需要驚」，因為「個市梗係有得再升啦」。

被問到許多股民關心的港交所（388）前景如何，他也信心爆棚，稱「388業績唔錯，今年會返得上300幾蚊」，又叫股民「渣左388你絕對放心」。