港股低開未損炒家興致　散戶：一日就賺到去日本旅行錢

港股於周二（16日）收市錄得歷史性新高，有人更稱之為「港股大時代」。由於距恒指歷史最高點數僅差幾十點，不少散戶買家今日（17日）都繼續亢奮，雖然開市時港股回吐低開，但不損散戶興致再度入市，買家黃先生笑言：「尋日賺到錢夠去日本旅行啦！」，亦有投資者表示，近年多以「小買小贏」為主，相對十多年前的大手入貨，大聲歡呼的場面不復再。

經過昨日（16日）收市前大升後，有證券行今早未開市已坐滿買家，每個人在電腦前手執滑鼠，對大市顯得極有信心。專業買家陳女士表示，昨日的升市已有斬獲，起初笑指賺到錢到內到旅行，後來再經計算後笑説:「係賺到個泰國旅行返嚟啦！」惟今早市況回吐，大市早上回落近200點，心情似乎受到打擊，訪問期間曾大呼：「無咗200啦！」看來有點肉緊，但強調自己購買股票多為「即日清」，又指不怕「重創」，有望今日餘下時間可止跌回升，賺到錢「買回程機票」。

資深炒家黃先生主打藍籌股，主要是入手港交所等股票，他笑説：「噚日賺到錢夠去日本旅行啦！」他又説，作為散戶買家主要為「賺少少本錢」，絕不大手參與高風險的「窩輪」投資，更稱近日股市向上，有望於農曆新年前繼續升。

自稱經驗豐富的散戶鄧小姐則説，昨日只有2000多元「斬獲」，但仍感到欣喜：「經過咁多風浪，而家只會買少少，一隻放一隻入，俾著以前，賺唔夠一萬，得5千蚊都唔玩呀！」她又指現時的股票市場較多制肘，風險減少但刺激度亦相對減低，故散戶難以再有大手贏大錢「奇蹟」一幕再現。

耀才證券行政總裁許繹彬指，昨日收市前升穿歷史高位後，加上美股影響，相信今日將會較為冷靜，望可穿過32000心理關口，他建議投資者可入手作短線投資，方為上策。