【寒流襲港】大帽山最低3.5度　晨運客風雨不改：今日無咁凍

昨日冷鋒剛至，天文台錄得大帽山低至攝氏0.6度，行山人士無不叫凍；而今日凌晨氣溫稍為上升，大帽山最低氣溫為3.5度。記者今日清晨約5時重返大帽山，再次遇上昨凌晨登山的晨運客葉先生，他劈頭第一句就是：「又見到你喇，今日無咁凍喇！」葉指，剛在雷達站逗留約半小時，上面大約有10人。做維修工程的他，笑言自己風雨不改，幾凍都會上來行山。

年近七旬的陳先生，則趁今日無落雨上大帽山晨運，以免天雨路滑會跌傷。他穿了3件衫，由停車場行上車閘位置遇上記者，他表示不覺凍：「要着大牌子的衫先頂得順，100蚊件風褸梗係唔得啦！」他指自己不是特意來看日出和結霜，笑言：「我上來出糧咋！」年輕的記者不明所以，他解釋：「得閒嚟行吓，醫生睇少啲、傷風感冒都少啲！要運動下呀後生仔！」他指，由車路到山頂來回不用3小時，不用花太多時間。