元旦女嬰出世 父母曾想移民：根喺香港唔捨得走 冀社會減少戾氣
踏入2018年，本港迎來5位「元旦BB」。首位搶閘出世的，是一位在浸會醫院出世的男嬰，他於0時0分8秒呱呱墜地，重3.45公斤，榮升新手媽媽的張太希望兒子快樂成長，「想佢大啲時，環境好啲，讀書無咁大壓力。」
相隔47秒，另一女嬰亦出世，其媽媽陳太笑說與3歲的兒子剛好湊成「好」字，陳氏夫婦更坦言，誕下大仔時曾考慮過移民，最終放不下打消念頭：「我哋都係土生土長香港人，根喺香港，都唔捨得。」
已育有一子的陳氏夫婦，結婚7年，踏入新一年的首天就迎來新成員，「元旦B女」於0時0分55秒出世，取名陳嘉琳，寓意美好珍寶，陳太難掩興奮說：「代表我哋完整嘅家庭來臨。」重2.6公斤的B女，在父母接受訪問時，全程安靜睡覺，櫻桃小嘴不時微笑，甚為可愛。陳太指，預產期原為1月17日，從未想過會在元旦產下女兒。
冀房屋、醫療政策有改善 小朋友開心成長
任職行政管理的陳太指，三年前初為人母時略感緊張，又覺本港教育制度繃緊，一度打算全家移民，但現時大仔升讀幼稚園K1，學習愉快及認識到新朋友，始對香港教育有希望，便打消念頭，「畢竟我哋係土生土長香港人，根喺香港，都會唔捨得。」她希望本港醫療、房屋政策有改善，減少社會戾氣，令小朋友可在開心環境下成長。
她續說，現時教育制度過緊，環境使成為「怪獸家長」，但會毋忘初衷，日後會讓女兒就讀大仔的幼稚園。任職會計師的陳生則希望，子女能健康，在一個充滿愛和希望的地方成長。
另一「元旦B仔」面紅紅、眼眯眯呈月牙型笑著甜睡。其新手媽媽張太仍難掩緊張、興奮心情，她指預產期為去年12月30日，但兒子遲遲未肯出世，「係BB自己揀嘅時間，噚日出現陣痛後又停咗，半日又痛返，生仔過程好驚嚇，冇諗過咁痛，但好值得。」
80後張氏夫婦結婚兩年，做物業管理的張生希望，兒子健康、開心成長，「噚日有陪入產房，心情好激動，見到太太好辛苦，好在都順利。聽到BB第一下喊聲，喊咗2下就冇喊、瞓覺，好似話俾大家知，我出世啦。」
唔會畀社會逼成怪獸家長
「元旦B仔」暫未取名，張生表示，日後會讓兒子留港讀書，但希望屆時社會環境有改善，令小朋友可開心成長「依家社會太多紛爭。」任工程主任的張太略有感觸指，現時常有學生不堪讀書壓力大、屢有輕生事件，希望兒子日後讀書沒有太大壓力，「我會盡我所能，唔畀社會逼成怪獸家長。對佢期望就係乖乖哋，做個對社會有少少貢獻嘅人。」