【城巴奪命大車禍・有片】車Cam直擊：E21A打保齡直衝深水埗人群

深水埗長沙灣道與欽州街交界發生城巴剷上行人路嚴重交通意外，車頂直插簷蓬，三人一度被困車底，至今造成3死20多人受傷。有車Cam拍得事發一刻，當時涉事城巴沿長沙灣道往旺角方向行駛，駛至近十字路口時突然撞向左方行人路，當時大批正等待過路的人群閃避但不及，巴士推向人群及撞毀兩支路牌，直到圍欄位置才停下。而城巴前左方車頂直插入簷篷，有網民拍得於事發後，城巴左車身有鮮血從上層車窗流下。

另一段來自一間距離事發現場前方約80米的體操訓練中心的閉路電視片段，攝得事發前城巴駛過一刻，從片中可以看到，城巴從中線扭向行人路。

救人商戶：見到都好驚

喀什米爾咖哩屋但先生指出，事發前他在店內，驚聞撞車巨響，「聽到好大聲，撞車有玻璃聲，玻璃聲好大聲。」他立即衝出店外查看，驚見大批傷者倒臥地上，「可能有20個，車底好多人，塞咗係入面。」他與朋友上前救援，嘗試將車底的傷者救出，「有啲喊呀，有啲流血呀，都好多(血)呀，我見到都好驚。」其友人成功救出2至3人，他則遞上紙巾及清水求援傷者。