【天鴿襲澳門】糧油店兄妹為救貨溺斃　街坊哽咽：佢哋好乖好孝順

澳門周三（23日）被颱風「天鴿」吹襲，全澳多區出現水浸，有人仍然被困，廣泛的破壞釀成至少8死逾百傷。
其中一對在十月初五街開設糧油店的40歲兄妹，因洪水湧入店鋪時擔心擺放在地牢的貨物浸濕，於是慌忙到地牢整理，最終被困地牢，3小時被救出後宣佈死亡。
鄰近大排檔檔主梁太憶述事件時一度哽咽、眼泛淚光，「我睇住佢兩兄妹大，勤力又孝順！前排佢哋一家人仲諗住放租唔做，點知𠵱家⋯⋯」

周三（23日）颱風天鴿在澳門肆虐，市面上狂風橫雨，早上11時許更突然有洪水湧入十月初五街，水位更於15分鐘之內升至膝蓋。街坊憶述，當時正在雄記行執貨中的兄妹眼見洪水湧至，擔心會浸濕放在地牢的米倉，於是急急走入地牢「救貨」，豈料洪水愈湧愈多，連同雜物一併湧入地牢，兩兄妹慘被洪水淹沒，被困地牢。

母發現子女被困地牢

由於洪水湧入時相當突然，街坊紛紛忙於逃走，沒有為意正在地牢救貨的兄妹，直到其母一小時後從外返至發現兄妹失蹤，大叫「對仔女喺地牢呀！」眾人才方知出事，連忙報警求助。事隔2小時，警方及消防等人到場救援，證實兄妹已經死亡。其母得悉一對子女身亡後忍不住激動落淚。

街坊梁太讚揚兄妹2人孝順

於十月初五街開設「大排檔」的梁太向記者表示，「由細睇住對兄妹大」，得悉2人出事，感到非常可惜。她眼紅紅地稱：「兩兄妹好勤力、好孝順，兩個都各自有自己的嘅家庭，但依然抽時間幫媽媽睇鋪！之前佢哋仲話打算唔做，放租俾人，點知依家⋯⋯真係好唏噓，好可惜。」梁太憶述昨天的情景時仍然猶有餘悸，說到可惜時更忍不住眼泛淚光。

「雄記行」原打算結業放租

兄妹二人年約40歲，出身小康之家，「雄記行」是其一家五口的家族生意，專門售賣食油、白米等雜貨。街坊稱「雄記行」月前已有意將鋪位出租，準備下月搬到工業大廈繼續發展，豈料強颱風天鴿襲澳，兄妹二人走避不及，雙雙被洪水淹死。