【天鴿風球】街市銷貨 肉檔生意高兩成 菜檔提早個半鐘收工
「八號風球打到嚟、打到嚟、全場大減價，埋嚟揀啦喂，買兩份平5蚊。」有燒味店今傍晚趁「八號風球打到嚟」前割價促銷。有菜檔成功較平日早一個多小時清貨收舖；有凍肉店的少量貨架亦成功清空。
但事實上打風未必是街市店舖的佳音，有肉檔指，「即使今日做多幾千蚊生意都補唔返，如果聽日中午12點前未落波，屠場唔開就全日都無生意做。」
熱帶氣旋「天鴿」正逼近本港，料天文台午夜前後可能會改發8號烈風或暴風信號。每逢打颱風日子，街市也冷清，有街市檔趁「天鴿」登陸前促銷。記者今日傍晚至晚上，在巡視荃灣的街市，見人流不斷，無論是肉檔、菜檔還是魚檔都做到無停手。
其中一間燒味店門外有中年男力竭聲嘶地叫賣：「八號風球打到嚟、打到嚟、全場大減價，埋嚟揀啦喂，買兩份平5蚊。」該燒味店擠滿了揀貨客。負責人楊先生解釋，其實燒味要每日清貨，每天傍晚都會減價銷貨。以颱風大減價作招徠是否見效？楊先生說，要等晚上點算才清楚。
肉檔店員：今日生意比平日好兩成
鄰近一間肉檔的店員阿印則指，每逢打颱風前一日，生意都比較好。約晚上5時半，眼見肉檔的貨架上只剩一排鮮肉，阿印說
「平時呢個時間多兩倍貨，今日生意比平日好兩成....平時買半斤肉嘅（客人），今日會買一斤！」但事實上，打風並非阿印的佳音，他指出，「即使今日做多幾千蚊生意都補唔返，如果聽日12點前未落波，屠場唔開就全日都無生意做。」
肉檔店員：今日生意比平日好兩成
鄰近一間肉檔的店員阿印則指，每逢打颱風前一日，生意都比較好。約晚上5時半，眼見肉檔的貨架上只剩一排鮮肉，阿印說
「平時呢個時間多兩倍貨，今日生意比平日好兩成....平時買半斤肉嘅（客人），今日會買一斤！」但事實上，打風並非阿印的佳音，他指出，「即使今日做多幾千蚊生意都補唔返，如果聽日12點前未落波，屠場唔開就全日都無生意做。」
凍肉店也是人頭湧湧，收銀機前持續有7至8人的人龍，眼見部分凍肉、肉丸和水果貨架清空。
走過附近菜檔，貨物銷情亦相當理想，有菜檔晚上6時已接近「清倉」，只剩下少量瓜類，開始收拾、關門。負責人阿桂說，今日生意高半成左右，平日到約8時才清貨下班，續說「颱風前係特別好生意，但聽日打風就唔會有人買餸，無得做生意。」另一菜檔的男店員亦指，「平日傍晚就要開始減價清貨，今天不用減價已經清曬。」
荃灣區部分市民表示，習慣每隔數天買菜一次，每次就買幾天份量，因此約持續一天的颱風並不會影響他們購買的份量。其中一位是家住大帽山的謝先生，今晚恆常到荃灣凍肉店「入貨」，他個人未有感受到街市特別逼人。有少量受訪街坊更認為打不成風，即使打風也可以到便利店用餐，所以不會刻意買更多菜。