同袍暱稱「十仔」　同期行咇G4評區志光：做副局都唔會偏幫警隊

態度決定高度，人願努力向前就能走得遠。1980年警察學堂出班的區志光由警員做起，今日（2日）起出任保安局副局長。「紅褲子」由低做起，他守過閘口、查過市民身份證，識於微時的「老差骨」憶述因為對市民粗聲粗氣，被斯文的區志光嘮叨一番，至今難忘。
從警30多年，老師弟多年來未聽過有關區志光的壞話及醜聞，步步晉升成為「大Sir」後未見架子，隨口便叫出昔日香港仔「手足」的花名。

尚有數天，加入警隊37年的警署警長鄭永順便退休，同時期離開警隊的，還有轉戰保安局的區志光。不說不知道，1981年鄭永順「新紮出更」便拍住有半年「差齡」的區志光，在香港仔軍裝巡邏小隊「行孖咇」。

即將退休，鄭永順毫無壓力講出高層的那些年：「有次截停搜查市民後，被佢話我說話太粗魯，令受查市民心裡不好受，做件小事令兩邊紮晒馬無必要，需要改善。當年好少警員咁斯文，與別不同。」80年代社會氣氛與現時大有不同，區志光以同理心分析警民關係，令鄭永順至今仍印象深刻。 

勤力進修休息放飯讀字典

區鄭二人都是「屋邨仔」基層出身、以中三學歷加入警隊，只有一人晉身警隊管理層，「升到咁高級係佢當初上進和努力的回報！入行時得中三學歷，讀書唔多，但每次放飯小休，其他同事去看電視，佢就拿出英文字典䄂珍本或英文書翻看，非常勤力。」在夜校完成中五課程後，區志光1986年升督察。

性格再斯文友善，兩個20歲出頭的少年總有意見不合時，只是場面稱不上爭拗：「佢忟憎時會全面通紅，但一句粗口都不會說，自己走開讓大家冷靜下來。轉過頭又返轉頭試着說服你。」

「十仔」步步晉升未擺架子

能夠在警隊3萬多人中晉身管理層，鄭永順直言「有些人升了職會唔認得人。」不過，早年重遇「大Sir」區志光卻未感隔膜，「在警察總部遇見他，打過招呼就關心我升職未？教我升職試要溫那些手冊、條例、時事，講嘢好似以前咁。」

由於區志光警員編號以「10」結尾，當年環頭師兄弟都叫他「十仔」，但隨着警階越升越高，花名幾近絕跡，「如果有人唔覺意咁嗌咗，佢都應該唔介意！」同期香港仔警署舊伙記不少已經退休，聚舊時仍偶有提起區志光，卻未邀他聚餐，「（哈哈哈）唔係怕請佢唔郁，係佢太高級，我哋怕醜！」