動漫節閉幕人流後勁不繼 模型店賺家長錢 2.68萬元喇叭未賣出
一連五日的動漫節於今日(1/8)晚上8時曲終人散，煞科日場內除有大批動漫及手遊迷大玩Cosplay外，不少售賣動漫及手遊產品的公司趁最後機會推出新貨品，期望刺激人流帶動促銷。惟閉幕前最後的數小時，入場人數明顯較首日減少，部份區域人流疏落。銷情方面，有展商表示，因天氣較去年理想，營業額有望增加最少5% ；出售全場最貴貨品的柯柏文喇叭，到最後一小時仍未發市，可説是「有人歡喜有人愁」。
售賣多啦A夢、蠟筆小新等精品的參展商國際影業有限公司，今日以最低七折促銷散貨，攤檔內不少貨品已售清，其公司市場部李先生表示，幸得連日來天氣晴朗，未等到展期最後一日的速銷時間，部份貼紙，毛公仔等貨品早已售罄，可算是「丁財兩旺」，惟現時未統計最終營業額，但相信較去年理想：「上年始終有半日做唔到生意，今年一定好啲，（好彩香港無打風？）當然話希望台灣同香港都唔打風就最好啦。」
另一參展商香港角川到最後一刻仍以定價出售所有貨品，未有減價，現場所見，不少貨架已出現「真空」情況，相信銷情不錯。惟市場部代表吳浩明對營業額持審慎態度，指未到最後「埋數」仍難定斷有否增長。他説：「雖然好多人話今年入場人數有增加，但我唔係好覺得，我哋呢度好似（同往年）差唔多，暫時唔敢話係『旺丁』，亦未統計過有冇『旺財』。（今日有無減價促銷？）因為想對頭幾日來的朋友公平，所以公司一直以來都冇咁做。」
出售高達等模型的瑞華行展攤過去數天人頭湧湧，於閉幕前3小時才開始乏力，人流較前期漸漸減少。公司銷售部副經理吳浩民指出，由於今年大會增設兒童天地，增加了家長客源，整體營業額有望增加5%至10%，尚算不錯。「家長可能見小朋友已經考完試，都肯買下玩具獎勵下，加上天氣好，街出面好熱都入嚟涼下冷氣，都有影響。（無打風都會好啲？）都係架！」
2.68萬元喇叭未賣出
場內最貴重產品，購賣價值26,800元的柯柏文喇叭至今仍未發市，營業部代表鄒先生強調有不少顧客查詢，對產品仍有信心。「係有好多客問下嘅，但始終佢體型較大，加上係訂貨，顧客真係要諗清楚。（要唔要諗過做實物賣好啲？）其實都還好的，仲有時間，可能有客落單呢？」仍富有信心，此外，售價3,000元的蜘蛛俠喇叭於展期內已出售約十多套，公司對市場反應感到滿意。