多啦A夢無人機表演．足本即睇 ｜全球首演角色飛舞　粉絲興奮應援

尖沙咀星光大道對出海面今晚（25日）舉辦以《多啦A夢》為主題無人機匯演，歷時約15分鐘表演由約1000架無人機組成不同圖案，《多啦A夢》最為人熟悉的法寶「隨意門」首先登場，登「隨意門」打開後，多啦A夢現身，之後使用「100%朋友召喚鈴」，大雄等主角相繼亮相。
在下午，數百名熱愛多啦A夢的粉絲佔據海旁「霸定靚位」，至晚上，不少觀眾拿住大會派發的多啦A夢氣球到場，有小朋友身穿多啦A夢上衣，亦有人頭戴「竹蜻蜓」，表演開始後，歡呼、尖叫及鼓掌不停，氣氛熱烈，但有粉絲指「未夠喉」。
為爭取最佳位置觀賞無人機匯演，有多啦A夢粉絲甚至較開場時間，刻意提早3小時到場「霸頭位」，並帶同心愛的多啦A夢公仔應援，滿心期待多啦A夢今晚在夜空中隆重登場。

無數大小朋的童年回憶，多啦A夢無人機表演今日登陸尖沙咀，在星光大道近梳士巴利花園段進行近15分鐘的表演，期間拼出多啦A夢法寶—隨意門、朋友召喚鈴及竹蜻蜓等圖案，市民紛紛舉機拍下精彩一幕，亦拼出了巨型多啦A夢，引來市民「嘩」聲一片。

市民最喜歡隨意門但嫌未夠喉：長啲梗係好啲啦

葉小姐與朋友一同觀看表演，期間看到各種多啦A夢圖案，都不禁興奮與同行友人分享。葉小姐對表演表示滿意，「好好睇！本身都少出尖沙咀，但今次出嚟都值得」，最喜歡隨意門一幕。

但她略嫌表演時長太短「唔夠喉」，15分鐘的表演中的最尾5分鐘都用於贊助商「賣廣告」，她說：「長啲梗係好啲啦，不過都OK嘅」。葉小姐指，比較喜歡無人機表演，因為「煙花表演睇咗咁多年有啲濫」，加上煙花會造成空氣污染，所以寧願「試下新嘢」。

特意深圳來港為睹全球首次多啦A夢無人機：我還沒看夠呢！

內地旅客吉先生在抖音上得知有多啦A夢無人機表演，因此特意從深圳來港兩天，一睹全球首次的多啦A夢無人機表演，他亦大讚表演精彩，找回了童年回憶，但亦嫌表演太短，「時間太短了，我還沒看夠呢！」

一家四口多啦A夢粉絲　大讚演出有故事性比煙花更好看

李同學今日與家人一同到尖沙咀海旁欣賞演出，他大讚表演有配音很精彩，能看到新道具—朋友召喚鈴亦感到十分興奮。李同學本身需要在家準備考試，但為了看到期待已久的多啦A夢，就與家人一起到場，「嚟到睇完覺得好抵」。

李同學從小到大都喜歡多啦A夢，今日更一家四口都穿上多啦A夢T恤應援，他表示，比較喜歡無人機表演，因為更有連貫性，煙花未必做到故事般的連貫性。

▼5月25日　60個多啦A夢雕塑快閃中山紀念公園▼