【DR誤殺案】被問CIK療程有否科學實證　周向榮：係無證據嘅

DR醫學美容集團誤殺案，自四名女子接受CIK療程出現感染情況，作為集團創辯人的首被告周向榮，曾向傳媒交待事件，控方今播出當日記者會錄影帶，周被問如何證明CIK療程有效，他坦言：「係冇證據嘅！」又指客人認為有效便可打針，又多次重申他只是老闆，對實際操作和推銷不知情，遭記者質疑他想把責任推到員工和醫生身上。他以「菜刀無罪」作例，又指「病人出事醫生都唔想」，女被告西醫麥允齡聽到在犯人欄內兩眼通紅，不停拭淚。

曾到內地了解認為療程安全

首被告周向榮在記者會上解釋，細胞因子誘導殺手細胞（CIK）療法，原理是從客人身上抽血，提取淋巴球中的殺手細胞，在實驗室內培殖增加30至60倍，培養14天後，再重新注入客人體內，增加可以消滅癌細胞的殺手細胞數量。

周聲稱CIK療法在外國、內地、台灣和日本等地被用來保健：「唔係打毐針、毐藥，純粹打返自己的細胞。」又自稱曾親身到內地的大醫院了解過，覺得療法很安全。

客人認為「work喎」便可打針

記者質問有何科學實據證明CIK療法的療效？周坦白承認：「真係冇野見到嘅，因為你打返自己嘅淋巴球落去，你做呢個療程，你唔會覺得白咗、皺紋少咗。」周又稱，如果客人覺得CIK療法「應該都work喎」，就可以打針。

記者遂追問如何判斷CIK療法有沒有效？周竟回答：「你問得非常好！係冇證據嘅！」

周聲稱不熟悉集團運作

周向榮多次解釋自己不熟悉DR集團運作，亦不知道員工怎樣向客人推銷：「唔好成日以為由我推薦（療程），有咁嘅理論我向職員介紹，但係咪做、點樣推銷，唔係我呢個level。」他又稱集團有800多名員工，一年服務50幾萬客人：「我控制唔到他們講咩」。

以菜刀無罪作例子解說

當記者問及他怎樣從外地引入CIK療法這項技術，周又反駁：「唔好一口咬定係我引入。」他解釋DR集團不會直接為客人進行CIK療程，只會轉介給註冊西醫做，而客人亦要簽免責條款。

被問到CIK療程涉及針筒注射的醫療行為，應視為「保健」還是「醫療」服務時，周沒有正面回答，僅說：「其實係咪保健，係咪醫療呢...係你個心，你想去醫。」他解釋所有東西都有危險性，例如整容有風險、駕車會撞死人，又說：「一把菜刀，佢係無罪嘅。」但事件發生後，DR集團已停止轉介客戶做CIK療程，又透露之前曾有40多名客人接受過CIK療程，都沒有出現問題。

女被告聞「醫生都唔想」即雙眼通紅

周向榮形容「對做生意嘅人，客人就係寶貝」，而對美容師來說，客人更是「衣食父母」，沒有人想發生事故：「種細胞嘅唔想，醫生都唔想」。聽到庭上播出這番話，第三被告女西醫麥允齡忍不住在犯人欄內用紙巾拭淚，雙眼通紅。

3被告依次為周向榮（62歲）、技術員陳冠忠（32歲）及西醫麥允齡（35歲），各否認一項誤殺陳宛琳罪名。

案件編號：HCCC437/2015