【街坊Look】小情人　挽手過冬

We are the people.
每一個街坊都是建構社區的一份力量，但從來沒有一個欄目，是屬於他們；
他們的面孔從來都是模糊的。
用一張相片，看清一張面孔，記街坊的衣食住行、街坊的人生；
這一周，寒流急臨，我們看看香港人如何渡冬。

（咁凍嘅天氣可以點樣保暖呀？）

女：「搵佢幫我暖牀囉！」

男：「我瞓暖咗先，先俾佢瞓！」

女：「我暖咗，佢都開心㗎！」

這段佈滿閃光彈的對話，來自一對剛到港旅遊的廣州情侶。城市人來人往，驟來驟去，誰不是誰的過客。遊客，當然也是社區的一部分。記者在大埔墟市中遇上這對可愛的情侶，談起冬天——大家同樣身是客，一晌間，談起心來。

有關冬日的記憶與溫度──「我哋喺紐西蘭讀書嘅。我哋兩個租咗一個有兩間房嘅單位。冬天我哋喺細房入面開住暖爐一齊瞓。」讀護理學的女生Grace說。「因為咁樣，所以我地感情升溫囉！」讀西廚的男生Hansen笑說。

男生也記得這樣的浪漫之冬：「紐西蘭冬天好早就天黑，條街冇人，好靜。我哋兩個出嚟散步，抬頭望見滿天星星。」

「不過，如果要用四季嚟比喻人生，我會覺得而家係秋天。因為近期有少少糾結，我想陪多啲家人，但係又好想返去紐西蘭，又俾家人迫婚。」女生說。（望向男）

男生笑說：「我會選擇性失憶！ 」

不過怎樣也好，他們的寒冬很快便會結束。因為位於南半球的紐西蘭，炎炎夏日才剛開始。

「紐西蘭夏天好熱，好多bikini睇！」女生說。

「但好多肥人。」男生說。

「咁你睇我啦！」女生說。

「睇你，一世都睇唔完喎。你肯唔肯俾我睇先？」男生說。

「你咁衰嘅……」女生說。

閃光彈已中。