【80後驅魔人‧下】替友驅邪被出賣　見盡貪心人：可否不收利是？

中國人向來敬鬼神而遠之，80後的Benson陳法燊，卻要踏進那未知的世界，自15歲起學習六壬神功，驅鬼解降治奇難雜症、擇日等等，自稱是後天修煉成一副能通靈的「陰陽眼」，求學時期兼讀符書，更練習書法來寫符：日間正職為地盤裏做行政工作，放下文件，卻是一名六壬神功師傅－－「驅魔人」。
我不能看見他所看見的，任由Benson道出故事的細節，六壬驅魔等行為非精密科學，我無法斷定他說的真偽。文章旨在探討一位年輕人，為何要走進陰森的靈界。而他說，半隻腳踏入靈界，看到更多人的陰暗面。

上集：【80後驅魔人‧上】15歲學神功試刀斬身：感覺痛，但一條痕也沒有

驅鬼其實是怎樣的一回事？

驅鬼是怎樣的一回事，聽Benson所形容，大概是先講數，後用武力－－符。有朋友曾到泰國旅遊，山洞裏原來埋下降頭，帶了一隻女鬼回來，喝了一杯符水，卻嘔了一桶水出來。然後，他形容那體型如海狗般龐大的男人，竟然變了一把女人聲線，又像一個女人夾著腳坐在枱上，那女人說：「佢多事入嚟睇嘢。」Benson與其談判：「人哋睇嘢你咪匿埋，咁多事搞人做乜？」女人不肯離開，「又話唔識走。咁我扶身（師公法力附其身上）嘅師公一到，佢變咗好惡嘅聲，好似被打，然後做了插水的動作……」

又有一次，「曾經有個人幾乎被鬼迷，初時我哋唔知，唔肯見我。」Benson查看其八字命盤，算出是死症。「有晚，傾傾吓WhatsApp突然冇咗消息，咁奇怪。」於是打坐，他腦中看見一個映像：「見到佢喺個黑色地方，去咗香港仔海旁。」腦中與一股力量角力，「有人扯佢返嚟，後嚟我扯佢個靈，想放返去佢個肉體嗰度，叫佢個名，瞓上去，瞓上去呀。」這都是腦中用想像、念力去解決。「我醒返，五分鐘後，朋友WhatsApp我，問『你係咪叫過我，啱啱聽到你叫我返入去。』」

救過佢，卻忘恩負義

「係咪會有好多朋友利用你？」記者問。Benson說：「很多。」他曾有一個女性朋友，「明明男友瞓喺隔籬，但自己有高潮，仲話被男鬼搞。」他將友人「醫好」後，「佢話自己係女神轉生，痴痴哋線，想喺呢一行分一杯羮。」又有一次，結識一位靈探組織的朋友，「好多人望住我醫好佢嘅腳，佢周圍唱我，仲將我話畀佢知嘅嘢，周圍去呃人。」

Benson不希望用神功的知識和能力成為維生工具，「學神功，只係多咗一個責任，我哋都係正常人，食色性也，只係你帶住呢個身份點樣去幫人。」他經常說一封隨心利是便可以，「好多人要我哋老奉幫佢哋睇嘢，亦都好多人唔想畀利是。」他母親有一位朋友，不下一次請他擇好日子，「佢直情問『今次可唔可以唔收利是？』」他說：「香港人都比較想食免費午餐。」

我唔需要著件袍畀人睇

長於複雜世界，自小悟出低調的處世態度，又正如他的教派「流氓教」，傳統精神就是雲遊四海，從不如電視劇道士穿上道袍，「我唔需要著件袍畀人睇」。Benson中學時期學習神功，從沒告訴同學，「我哋好口密，要謹記安身保命。」師傅常警戒他：「畀人知你有咩著數，救唔到人，人哋又話你冇料。」有人會笑他迷信云云。這一行要能當師傅，沒有一張畢業證書，而是「天、地、師傅應你，有傳承有血脈。」有段日子，司徒法正因電視靈異節目爆紅，有人又會揶揄他：「點呀，你識唔識司徒法正？」Benson：「我知道是誰，但未見過，論資排輩，佢只係我啲侄。」他說這行見盡「見高拜，見低踩」，司徒法正惹官非就是其一例子。

《01社區》靈異系列：

踢館文化轉至網上罵戰

館裏館外是是非非，他早就學會封口不理世事，早年師傅教他：「兩耳不聞窗外事，一心只讀聖賢書」。Benson解釋戰前戰後時期，學習神功的都是市井之徒，不少人從事勞動工作，易生意外而學習神功安身保命。加以行來素有踢館文化，他記得年輕時期，常有不同教派師傅上來踢館，踢館不外乎口水戰，互訴對家冇料云云。亦有一些師傅曾分享昔日激進的踢館者，甚至二話不說直奔神壇，捧起人家供奉祖師爺的香爐，以示自己法力高超。「依家邊人有會踢館吖，畀人報警拉佢，都轉去拍片打口水戰喇。」有會館師傅上載試刀斬片段，亦有師傅YouTube自設頻道抨擊其他會館師傅。

師兄師姐比他年長得多，又教導他如何處理館口的事。少時他是館內最年輕的，「師傅每年收幾十個徒弟，計計埋埋成千上萬，點會冇黨派。我都係學返師傅，做自己的。」於館內他身份「特殊」，父親也是師傅徒弟，「師傅由細睇到我大。」他說父親與母親離異後，與另一個女人一起，那女人曾患乳癌三期，醫療外又請師傅幫忙，痊癒後送了一層樓給師傅，「其他人話我哋另有所圖。」

未及30歲Benson便當上神功師傅，住處既是家又是會館，設置神壇養鬼。別人說他迷信，他回說：「唔信，都係一種迷信，一種執著。」踏進鬼域，可有影響戀愛運？他笑言：「30歲，都未有女朋友。」期望將來伴侶夠淡定，他驅鬼同時，她仍能在廚房安心煮菜。