【一司機一鬼古】晚上子時的粉錦公路：我行咗一個鐘都出唔到去

每一個夜間司機總遇上一次......《降魔的》的馬明遇上要回家的鬼魂羅蘭姐：「我好耐都截唔到車，唔該你好心車我返去。」80後六壬伏英館的林法燊（Benson）說：「鬼，都有搭車的需要。」他又說有任職的士司機的朋友，曾經載過一個乘客，「佢有畀錢，但第二日啲錢變咗冥錢。」有些意外身亡的鬼魂在路上攔截，甚至是尋替死鬼......「夜間司機撞鬼，真係唔出奇。」鬼怪之事真假難分，但讓一眾夜間司機一說無妨。

任職10年貨van司機的阿楠，自言「容易感應到靈體，自少有不少撞鬼的經驗。」因此車上掛了符，多年來在路上未遇過怪事，但她的朋友卻避不過。她憶述那時是晚上十一時半，朋友駕車在粉錦公路上。粉錦公路是一條來往香港北區至元朗區錦田的公路，全程8.8公里。朋友致電楠：「我想問條路係咪好長，大約幾耐車程先會到盡頭？」楠回答：「大約25分鐘乜都到㗎喇喎！」朋友掛線後，繼續往前走，40分鐘後再致電楠，「其實頭先我打畀你嘅時候已經行咗10 分鐘，收線後繼續行，但仍見唔到盡頭。」楠：「你肯唔肯定自己喺粉錦公路，你附近有咩特別嘢？」朋友一邊與楠通電，哪怕話筒裏的一點人聲，好比一道符的安心。朋友聲音聽起來依然鎮定，看看倒後鏡沒有發現詭異嚇人的東西，只是公路上兩旁只有樹，他無法辨認出路是否重覆著。那時已是凌晨12時25分。楠：「喂，你掉返轉頭啦！」此時，朋友的電話沒電，失去消息。

朋友過於驚慌，未有打開GPS求證位置。

楠：「我再接到佢電話時，已是凌晨1時。」朋友的聲音聽來比剛才更驚慌，語速很急，慌得像瘋了一樣，不斷細聲地重複著事件的經過，不斷說：「點解會咁？點解會咁？」朋友經已安全回家。剛才在公路上，友人電話沒電與楠失去通訊後，聽其勸告掉頭走，不出10分鐘他掉頭就可離開粉錦公路，但他明明在公路上行駛1小時。

如果唔驚嘅，可以睇埋呢一篇：

【一司機一鬼古】凌晨運豬的貨車司機 大埔公路遇上6個截車的...

六壬師傅講解點自救　信不信由你

六壬師傅Benson說這種情況大概是「鬼掩眼」，「冇嘢嘅，啲靈體百厭玩吓啫。」他說，遇到這種情況，可以將車停在路旁，然後說：「唔好意思，唔好玩喇，我想離開𠵱度。」又或是根據自己的宗教信仰唸經祈禱。

至於阿楠，雖然路上未曾遇上鬼怪之事，但少時曾於墳場靈探得罪人家。現時是某call車平台的貨van司機，說每張單抽佣近2成，「捱窮都唔好做呢行。」她亦為求平租，居於天水圍凶宅，其經歷比友人遇上的恐佈得多，孰真孰假，下回再續。