【青衣主題曲．二】偷渡到千萬身家再破產　伯伯落戶青衣看破紅塵

青衣某山頭的行山客都知道，這山上「住」了一個79歲的伯伯。他每日七個小時在山上，視山頭上的簡陋的棚仔為他「大半個家」，每天都捨不得下山。在他前半生，「谷鬼氣」三隻字叫高薪厚職的他，偷渡來港做個異鄉人，變成洗碗工。當他逐步晉身至經理級，又因「谷鬼氣」三隻字，叫他自創門業，賺過千萬生意。人生卻給了他一次叫他百思不解的修煉，叫他賺來的錢都蝕掉，由800呎大房住回幾十呎的板間房。他的人生如何造就《青衣是個好地方》一曲？

為啖氣棄高薪厚職偷渡來港　

 徐仲全（全叔）唱完歌開口就說：「人呢就要樂觀，天跌落黎當被冚，人哋話唱歌可以醫好多病，唔使睇醫生。當時我唱歌好難聽，我睇書話，就算係嗌一個鐘都好。我現在唱歌幾好聽㗎啦。」訪問到後半部分，才發現全叔這般豁達，是要傾過家、蕩過產、尋過短見、死過翻生才學回來。

全叔1938年出生於廣州，本來在內地算是高薪厚職，卻覺得不受重用，鬱鬱不得志，30多歲時「谷鬼氣」之下偷渡來港，從事他形容為酒樓裏「最爛」的工作——樓雜。樓雜即是酒樓雜工，負責一切粗重活，例如洗碗、搬重物、執拾枱布。選擇做個「酒樓仔」，因為可以借錢，又有宿舍。對初來報到的異鄉人來說，有瓦遮頭，可借錢填飽肚子，能解決生存基本便是大幸。

做了三個月樓雜，一天下午落場時，他看到經理在餐牌寫「洗先生留座」，他大膽上前跟經理說：「經理，百家姓裏頭沒人姓洗，只有人姓冼。」全叔回想，當時自己真的很有幸遇上貴人：「其他人應該鬧死你：你咩料啊，洗碗仔。」但經理沒有反而再叫他寫其他字，然後問他屬什麼部門，他回應「洗大餅」 （洗碗），經理就讓他轉職樓面侍應，薪金由300元躍升至700元。

從樓雜升遷至經理　不忿老闆待薄　

 幾年之內，全叔由樓面升遷至部長、主任，後來跳槽到第二間酒樓做經理。如是十數年過去，他亦已經年過半百。 至90年代初，他替一個老闆打了四年工：「嗰度好大，百幾張枱，個老細好招積，覺得我應該同佢做，佢營業額一年千幾萬。」他當時月薪一萬八千五百，新年時老闆給了他一封大利是，說：「順順利利，鴻運當頭！」打開利是封，原來是二千元。其實老闆過往給的利是也只有五百元，「他的意思是，畀多你啦！」那時做酒樓沒有花紅，更沒有雙糧，他深感不忿：「我付出代價同你做，行政、人事、衛生、管理我一腳踢。你有冇搞錯，畀二千蚊我，當我係咩？」於是全叔「谷鬼氣」跟老闆說：「你明天請個人來做經理。」老闆一呆：「你唔係咁啡（音：fe4）我啊？」全叔回應：「係你啡我啊，你太多錢喇，你瞓金枕頭喇。」雖然口罵老闆，但讓全叔不忿的可能是命運本身：「你又冇文化，abc都唔識多隻，但你賺到錢，係你命水好。」

自立門戶轉盈為虧 破產回到最初的板間房　

於是全叔索性在荃灣海壩街自己開酒樓，雖然只有廿多張枱，起初生意卻不俗，頭三年加起來有過千萬營業額。那時候還有幾年便回歸，在荷蘭和美國的親友都叫他移民，不過他沒有：「我都成六十歲啦。全世界我覺得香港最好。」 「天算不如人算」，全叔感嘆：「我打工就同人賺到盤滿缽滿，自己就唔得，呢啲命水嚟嘅。」後來政府在他酒樓門前建排污渠，因為太臭，新客熟客都少來，生意轉盈為虧，賺來的錢都幾乎全蝕掉。在回歸之前，酒樓結業，他宣佈破產。他賣掉自己800呎單位還債，住回板間房，就像初來香港時一樣。輾轉廿年，得到過的東西又失去，像沒來過一樣。

尋過短見　「上天唔俾我去」

有天全叔買了一支白蘭地，喝了兩、三口，舉頭望見天花板，取一條電話線繫在天花板，站在椅子上將電話線套在下巴下。那時他「好大打擊，我心諗，點解會咁㗎呢？不過上天唔俾我去。如果當時我雙腳一踢，就不會坐在這跟你說話了。當時我一拉緊電話線，嘩，火辣感覺，好痛，心諗，咁死法慘唔慘啲啊？」

於是他下來了，又繼續喝白蘭地：「瞓足三日三夜，然後便沖凍水涼，係咁沖。當時仲係熱天，沖完喺到唞吓氣。同自己講，我呢世人好又做過壞又做過，乜都做過，從新開始。從當日開始冇咁執着，睇嘢不再只顧自己，睇得開咗。」 全叔按下人生的restart掣：在酒樓打工，一個人住在板間房。

近60歲時抽到青衣的公屋，不久後便發現邨附近的山頭。他將火後燒焦的樹木斬下，擔泥上山頭，鋪平地面，託退休的泥水工人幫忙在搭了一個簡陋的棚仔。既然獨居公屋，他就每日七個小時都在這「大半個家」唱歌、拉二胡、耍太極、跟朋友談天說地，捨不得下山。

 不留戀昔日光輝 在青衣山頭唱歌最與世無爭

一天，全叔自學二胡期間，起身伸展，舉頭見飛機飛過，低頭見大船低鳴駛過，頓覺「青衣呢個地方真係幾過癮」，於是寫了第一首歌：「青衣是個好地方，有山有水有橋樑，海上貨輪吹鳴笛，天上飛機常升降。」後來將它擴展至十二首。

回想大半生人，他有過三個女人，最終還是孑然一身。他住過近千呎單位，也住過板間房；住過港九新界，最喜歡還是青衣，此時此地：「呢到空氣好，哇，人都長命幾百年，唔係幾十年。現在秋天，西南風吹黎，食人蔘、飲豬肉湯都冇咁潤。所以上到嚟都唔想落去，但係要落去咋嘛。幾幸福！」

他在訪問初時曾輕輕道：「人生既嘢就係咁，神神化化，諗得多冇用，唔識諗冇用，太識諗都冇用。」似乎是顛簸半生過後悟出的道理。記者問他，有後悔放棄大陸的一切來港嗎？他說：「佢地退休金好過香港㖭，但我唔留戀。我喺呢度，鍾意唱幾耐就幾耐，幾過癮，唔使諗咁多嘢。」