【初音部】Gin Lee《和每天講再見》 「失去」只是我們後知後覺
撰文：史順宜
出版：更新：
當一班打工仔每日與工作拼過你死我活嘅時候，求嘅都係希望早日能夠儲夠首期，甚至乎睇下有無機會可以抽到居屋。唉！有樓嘅人就做樓奴，無樓嘅人就想為快啲上車而辛勞，日日依家好多公司仲要無多勞多得制（OT），點解要咁辛苦呢！？我哋依家嘅生活又有咩意義！？相信剛才所講嘅情況係好多好似我哋哩班打工仔嘅生活寫照，但我哋哩班人，除了要面對哩個社會現狀，仲要邊對另一個問題──枕邊人對你的的抱怨。
Gin Lee 李幸倪 - 《和每天講再見》由著名監制馮翰銘及 Gin Lee共同作曲，林夕填詞。
歌曲原自Gin把一段文字寫給林夕：「如果問路上的行人：“你現在在做什麼？”他們可能會回答：“我在上班途中。”或是“我要去見一個朋友。”也許很少人會回答：“我正在走路。”」 所以林夕希望哩首歌令大家反思生活的意義。
「忙到不知幾點／你共我為何遇見」
今次《和每天講再見》的MV故事非常寫實，而且有好多值得我哋去反思嘅問題出現。MV開始就出現了哩句話「究竟拼命工作是為了看到未來？」你可能會諗，當然啦，如果唔係咁辛苦為咩？但係當你努力工作時，可能就會相對失去身邊嘅嘢。陪伴家人嘅時間，約會愛人嘅時間，與朋友相聚嘅時間等，而哩個MV故事最後就係失去愛人。MV結尾也出現了一句應該令人苦笑的話：「失去不是突如其來，只是我們後知後覺。」
大家當初大家為結婚而努力，結果換嚟分手收場。