龐卓欣係港姐之中最唱得？　高難度歌劇輕鬆駕馭

一年容易又港姐，當大家開始認得上年港姐馮盈盈、劉穎璇佢哋嘅時候，新一屆嘅港姐不知不覺原來又開始。相信大家都仲好記得昨日首輪面試嘅一班準港姐係幾有衝擊力。不過選港姐始終都唔係齋睇樣，才藝其實都好重要，就好似麥明詩以高學歷姿態當選2015年港姐冠軍咁，其實過往好多港姐都收埋好多才藝，尤其喺唱歌方面更加可以話係估佢哋唔到，今日就同大家分享下邊位港姐最唱得！

2015年嘅港姐亞軍龐卓欣，雖然僅僅落敗比麥明詩，不過唔好睇少呢位港姐亞軍，事關佢除咗有樣有身材之外，原來都好有內涵。上個月為公益金籌款，佢就喺節目上大騷歌劇功架，實在係令人驚喜萬分。原來Ada係由曼哈頓音樂學院修讀聲樂畢業，一向熱愛唱歌嘅佢，原來最擅長就係唱Opera。之前公開表演曾經同李壁琦合唱《You Raise Me Up》已經備受讚歎，上個月公開演唱Opera歌曲《O Mio Babbino Caro》更加係技驚四座。

除咗唱歌之外，其實Ada平時都好鍾意影靚相同大家分享。

Ada接受《香港01》訪問時，表示自己在中學時期已開始對聲樂有興趣，因為讀書時參加合唱團，而且媽媽也是一位音樂教師的關係，故此於大學時修讀「Classical Voice Performance」。現時經常教授小朋友唱歌的Ada，原來在讀書時期並沒有想過以此為職業，但慢慢發現自己這方面特別有才能，於是便開始了職業的生涯。提起當年參選港姐，她憶述：「當年的才藝表演環節中，我是唱流行曲的，但其實我並不擅長演唱流行曲，但TVB認為流行曲似乎會比較受歡迎，所以我也接受這個決定。」問到Ada會否考慮成為歌手，她表示：「始終主流市場都係鐘意流行曲，而我亦唔擅長唱流行曲，所以我暫時都無諗過會做歌手。反而好享受而家教小朋友唱歌，因為可以Part Time做，其餘時間可以發展其他興趣。」

對於新一屆的準港姐們，Ada作為師姐也有一些建議：「一開始可能好難適應，因為好多傳媒同網民會有唔同嘅說話，但最緊要唔好太上心，專注返喺比賽當中，最緊要做返自己。」