胡力威師傅退休前幫樂隊拍MV：唔掙扎同死魚有咩分別？

健身教練胡力威師傅的金句「畀啲掙扎我！」近期成為網上熱話，有網民將胡師傅元素進行二次創作，又有「胡力威健身概念大碟」的改圖。除了二次創作外，本地樂隊20EYE聯同胡師傅以及一眾健身師兄弟拍攝《熱菇！熱菇！》的MV。

《熱菇！熱菇！》MV講述一個「宅男變型男」的故事，為擺脫單身踏上「操肌之路」。當中胡師傅更粉墨登場，落手落腳陪樂隊主音Hugo操肌，製作製特輯中聽到胡師傅直斥Hugo「廢柴」以激勵他的鬥志。

胡師傅喝斥Hugo只是劇情需要，Hugo接受《香港01》訪問時，表示拍攝過程順利，而且胡師傅與一眾徒弟都好nice：「胡師傅好快應承咗，上去同佢傾咗一兩次就拍。佢都幾好人，真係冇諗過，又唔使收錢，好支持。」

「健身界一代宗師」胡師傅接受電話訪問時表示，協助人拍MV以及提經常提醒要「掙扎」是有原因：「唔掙扎同條死魚有咩分別！同埋要掙扎，要重覆先至可以成功，做運動同做其他事都一樣。」面對網上改圖，改詞胡師傅一概不理，他表示自己計劃下年退休，只想專心經營健身學院，繼續宣揚「健身，健心」的概念。

樂隊20EYE幾位成員是中學時期開始認識，《熱菇！熱菇！》一曲早於2014年已完成，原本也沒打算將之拍成MV，不過由於樂隊成員經常瀏覽討論區，而且喜歡胡師傅，所以萌生到力威健身學院拍MV的念頭。