【專訪】跳舞歌手變企業老闆　狄易達：唔想太倚靠做騷維持生活！

跳舞了得的狄易達，原來亦有生意頭腦，上年起創立室內設計配對平台，今年又宣佈離開唱片公司回復自由身，看似轉型做老闆，原來為的仍然是跳舞這個「搵唔到食的興趣」。
「如果興趣只係3,4年就完結，呢種興趣都幾薄弱！」狄易達說。
攝影：黃國立

每逢提起狄易達，第一時間想起的除了「跳舞歌手」外，當然會想起tvb節目《安樂蝸》，雖然他今年離開舊公司成自由身歌手，但轉個方式繼續事業，或許就是大勢所趨。他坦言：「我自己有計劃過，未必冇得做，係咪按照以前方式先做到歌手？網絡係好大的平台，希望再用網發揮多啲，希望自由身時創一番事業，我覺得需要挑戰。」

確實，傳統的歌手生存模式，在網絡世代已不再是唯一方法，特別對達仔來說，幾乎沒有事情是不可能的，何況不少歌手由網絡甚或街頭走到主流媒體。「未來會做多些Cover Song，會做多些有質素的跳舞作品，成就自己將來的主打歌，自由身用自己積蓄做快歌，睇下有冇機會跑些數回來的話，風險太大，狄易達最緊要未必係派歌，而係改變內心世界，或藝術細胞的提升」。

狄易達多了老闆身份之後，照片所見，果然有一副老闆樣，對吧？

雖然達仔即將有新發展，但回顧過去，他又會唔會滿意自己的成績呢？他坦言：「自己產量好少，做快歌成本高，影響產量，未能夠將街舞推到最高，甚至有部分時間有迷失，迷失冇特別原因，而係環境氣氛問題，自己做唔同工作令自己迷失」。

樂壇一向好現實，不論你做歌手決心有多大，無法迎合大眾需要，一切都或會徒勞無功，歌手隨時會因為冇新作品已被人遺忘。達仔對自己很有信心，「我相信自己的作品會話畀人聽我的本能是什麼，做歌手要有主打歌？ 未必！唔做呢樣野被忘記？ 未必！有信心令大家記住狄易達係唱歌跳舞。」

我都算鍾意冒險，自己諗好多嘢好憂慮，願意冒險自然多顧慮，但冒險是必需的，做歌手唔係單純出隻歌，而係因為我鍾意唱歌跳舞！

創業做老闆

對不少港人來說，買樓好比結婚，分分鐘是一生人一次的大事。狄易達一向都好奇心強，做《安樂蝸》主持時，對於不少家居設計問題都有疑問，亦洞悉到不少人對於室內設計時，找什麼設計師，對時間成本，度呎或報價都不清楚，於是結合不同範疇的朋友，成立新平台Spaceplan，他坦言：「如果只我一個只會做到資訊網站，我哋有優勢，有呢個團隊唔容易，結合行內人士，設計師，裝修工程師。」

「當初我有猶豫，大部分來自香港人的習慣，我要做的是改變整個行業和傳統。」所謂的配對服務，其實就是協助用家去尋找合適自己的室內設計師，達仔更強調不成功不收費，面對行業競爭，做好口碑自然最重要，他坦言最緊要透明度高，就是所有事情都要公平處理，不會偏坦買賣任何一方，盡量減低雙方誤解，例如隱藏收費等等都會顧及到。「屋主對設計裝修唔了解，同設計師有矛盾，好多坊間爭議係價錢同期望問題」，簡單講，達仔做的就像「和事佬」。

「我哋唔會幫設計師賣廣告，唔會有人氣機制，唔可以有呢個做法做廣告，因為會對其他設計師唔公平，又呃殺某部份的人，所以不會有廣告。」

對於自己接觸一個全新的行業，其實都是為了賺取收入，繼續進行自己的興趣：「由跳舞歌手變開跳舞學校，由主持變開平台，坦白講，我好想工作環境同氣氛偏向自己興趣，開跳舞學校目標都唔係話做幾多間分店，其實係好想自己的環境有好多跳舞人一起奮鬥，我唱歌表演都需要好好的dancers，這個環境不是單純用錢建立，這個氣氛要一步步建立出來。」

「這次才是真正做一個創業者，跳舞唱歌好難營運，唔想自己太倚靠做騷拍攝的收入來維持生活，如果只靠唱歌跳舞，唔會生活唔到，但多咗好多憂慮，如果我多餘時間做生意有收入，可以令我更加任性！」