AGA演唱會｜佛山巡演特設三層樓高升降台　AGA：好彩我冇畏高

AGA（江海迦）上月完成首次紅館個唱後，馬不停蹄開始《AGA ONEDERFUL LIVE》巡迴演唱會步伐，日前（9月23日）移師到佛山國際體育文化演藝中心舉行，現場全場爆滿，為巡演開個靚頭，而AGA未婚夫鄭子邦（的士邦）及父母都有現身支持。

AGA今次的舞台絕對是全新挑戰，由於她上一次在佛山開騷已是5年前，為了讓粉絲能完整體驗整個演出，製作團隊特意將整個舞台由香港搬到佛山場館，更是場館歷來首次有傾斜的舞台，並用上最薄的LED Wall。更特別的是，為保留開場時AGA於LED Wall一角現身的效果，但又想營造出有別於紅館演唱會從綠閘觀眾席位置步出LED Wall的安排，大會特別於場館搭建了流動升降台，升到約三層樓高的位置！

這對AGA來說可謂新挑戰，被問到會否很緊張，她說：「雖然我無畏高，但都有少少驚，因為真係幾高，上到個高台，都唔敢企太出，我覺得今次係比紅館再高啲。導演同公司好好，因為我想同香港場一樣喺LED Wall位置出場，所以就算去到咩地方演出，佢哋都幫我諗辦法做到呢個效果，好多謝佢哋。」

相隔5年再到佛山舉行演唱會，AGA說：「我記得上次咁多場巡迴演出，佛山嘅觀眾係最熱情嘅！」她又說：「多謝你哋陪我一齊去等到呢一日，過程期間有期待、有失望，就好似呢幾年大家嘅生活都經歷不同起伏，但希望你哋知道，你永遠並非一個。」

AGA事前亦有留意粉絲們的留言，知道大家很喜歡《Wonderful U》這首歌，所以歌單特意唱了中文版《圓》及英文版的《Wonderful U》。AGA還獻唱《一》、《孤雛》、《無期》、《Superman》等大熱作品時，全場粉絲大合唱，近10000名觀眾更亮起手機燈，將場館變成一片星海，場面壯觀。