黎明貼兔仔聽歌相讀《靜夜思》有新搞作　宣布11月開紅館演唱會

黎明（Leon）今日推出新歌《2 in One》，另外他亦在社交平台貼出一張兔仔聽歌的相，問：「佢究竟聽緊乜？」之後有網媒貼出另一條片，有Leon、兔仔和一段25秒的快轉錄音，叫大家：「聽吓黎明講乜～」

錄音中只聽到Leon說：「喺嚟緊嘅……」不過錄音實在太快聽唔清楚，字幕就寫：「聽唔到？聽多次。」之後隱約聽見Leon朗讀《靜夜思》：「床前明月光，疑是地上霜，低頭望明月，低頭思故鄉。」並表示：「提前講聲中秋節快樂！」到底做咩呢？

貼文中提到：「環球（前身寶麗金）+AMusic強強聯手，將阿明新舊歌2inOne、喺各大音樂平台上架，入面有16+1 track，第17 track就係呢次唸詩嘅隱藏内容。」另外亦劇透了：「仲係聽唔夠想聽佢真人？毛毛細細聲同你講啦：阿明佢今年11月會喺香港紅館開演唱會，頭場 1114 你話係咪好任性先～」大家可以準備撲飛啦！