【多圖】唔喊唱唔到《媽媽I Love You》？　肥媽劉華版本大對比！

又嚟到一個星期一次的《流行金曲50年》（前稱《流行金曲50強》），本周必睇推介有逢適母親節唱《媽媽I Love You》的肥媽（Maria Cordero）。每個禮拜有五日都會拎住鑊鏟教你點食平啲的肥媽昨晚就放低菜刀，拎翻枝咪同大家唱下歌仔。

肥媽的名曲眾多，除了中氣十足唱「老虎都要得嘅得嘅得嘅得嘅一定得，唉，嘥氣。」的《要爭取快樂》之外，亦唱了讚頌親恩的《媽媽I Love You》。不過唱到《媽》的時候，好多網民都在網上留言：「又要睇肥媽喊。」更有人戲稱：「呢首歌唔喊反而唱唔到。」、「劇本寫明要喊。」

記者上網翻看了幾個不同版本的《媽媽I Love You》，肥媽真的每一次都喊，特別唱到副歌：「愛你是我的生趣，怎麼結果都心醉，無須負重任，催逼一生答謝，只需講Ma Ma I Love You.」時，肥媽必定眼濕濕，連觀眾都要拿紙巾出來印一印眼角。再睇睇劉德華唱的版本，劉華雖然沒有唱到落下男兒淚，但副歌時一般都會握晒拳好激動。

肥媽版本 1：
（https://www.youtube.com/watch?v=l_BzmHeXHdw&t=57s）

肥媽版本 2：
（https://www.youtube.com/watch?v=ZXQ4-CB9MWY）

肥媽版本 3：
（https://www.youtube.com/watch?v=G5mzwcG-EMs）

劉德華版本 1：
（https://www.youtube.com/watch?v=vW6LsZVvYX8）

肥媽過去亦曾在自己的音樂特輯中講過，如果不是徇眾要求，都盡量都不會在公開場合唱《媽媽I Love You》，原因正正是因為自知太眼淺，唱親都會喊。可見首歌是真的可以感動人心，其實演繹母愛之情唱得激動一點也是合理吧，戲本之說還是開下玩笑好了。