【一首歌】林奕匡《Good Man》絕種好男人 「你會憤怒為你讓步」

撰文:許栢倫
出版:更新:

做女人最怕嫁錯郎,就算平時幾錫你都好,若果有很多不良習慣,一旦變心或冇咁投入愛你的時候,真本性展露都咪話唔難捱,所以當代女士唔介意未婚時,主動求愛拍多幾次拖,再三比較下,諗清諗楚才瞓身重注買個獨贏。

2007年參加温哥華音樂比賽的林奕匡,2010年正式出道做歌手,初出茅廬外界已經知道他非池中物,可是成績未如理想,令他一度懷疑自己的能力,2012年處於事業低谷,事隔兩年,沉澱過後推出專輯《3》,《Good Man》成為派台首支冠軍歌,同一專輯的《高山低谷》唱得街知巷聞,連鄭秀文都翻唱過,自始人氣急升,但他仍然默默做,《有人共鳴》﹑《愛情小品》等主打歌保持水準,而他與女友拍拖9年,今年更求婚成功。

《Good Man》屬於林奕匡再戰樂壇的首支派台作品,自己親自作曲,再交由陳詠謙填詞。陳詠謙於是將自己從林奕匡身上看到的好男友優點,寫成這首歌曲。開首簡單數出一堆壞習慣「他鐘意偷偷哋對女模特兒友善/他鐘意拎啲錢去馬場Fing, never win/他鐘意開香檳配致癌薄荷煙/他三更半夜 手機無電」等等,加上一句「這些只會是他的故事」來轉入副歌,副歌當然是好男人的優點。「I'm your GOODMAN/信譽好,你話到我照做/人哋去食煙飲酒,我沒有羨慕/I'm your GOODMAN/態度好,有時你會憤怒/難受也絕不反台,會為你讓步」。

沒有不良習慣,又懂得遷就別人,當然是好男人吧!

炎明熹被傳加盟Sony Music 葉巧琳:冇話期唔期待

撰文:吳子生
出版:更新:

Sony Music旗下歌手林奕匡、葉巧琳和黃妍今日(22/1)齊齊現身九龍灣出席《CHILL CLUB》記者會。對於一直盛傳炎明熹(Gigi)加盟其公司歌手,黃妍接受《香港01》訪問時表示歡迎:「其實我都係睇到新聞先知,我哋都有同事問究竟真定係假,但都得唔到回應。炎明熹都係一位唱得之人,我係好欣賞樂壇入面又或者素人嘅唱得之人,我係好欣賞佢哋才能。」

Sony Music旗下歌手林奕匡、葉巧琳和黃妍今日(22/1)齊齊現身九龍灣出席《CHILL CLUB》記者會。(葉志明攝)

被問到擔不擔Gigi加盟後,公司資源分配不均?林奕匡表示:「可能調轉呢,可能佢會帶多啲嘅觀眾去欣賞我哋公司嘅其他嘅歌手,但我就真係唔知,可能要問你哋隔離嗰個我嘅同事。」被問到會否期待?葉巧琳接着說:「講真我哋真係冇收到呢個通知,所以冇話期唔期待,真係唔知。」

黃妍大讚炎明熹歌藝了得。(葉志明攝)
正在加載