【多圖】安仔望《21安士演唱會》外地開騷：我就大家時間

《21安士音樂會》昨晚於會展舉行，由開騷到完騷一眾Band友許志安、Supper Moment、Dear Jane、RubberBand、觸執毛互唱對方的飲歌，所以全場幾乎沒有人講過一句話，實行以歌會友。到快完場時安仔終於開金口：「在這個時候要講講嘢，整個騷都好似冇點講過嘢，我們這裏冇下屬，只有同伴，我們不知道可以為大家做到些什麼，希望大家同我們一齊享受這個騷！」其後安仔向各籌辦單位致謝，蔡一傑突然上前送上鮮花。

這次《21安士音樂會》與上次《17安士音樂會》安排上大致相同，但不知道是否因為開始步入夏天，除了台上歌手，就連台下歌迷也熱情加倍，有一半時間歌迷都是站起來一起 Rock＆Roll ，而最會炒熱氣氛的Sunny更走到台下跟歌迷互動，唱到興起突然大玩「插水」，事後Sunny大讚歌迷觀眾的高質，反應熱烈，他笑說：「大家忙住托水都唔得閒抽水。」今次Sunny更帶來他另一隊樂隊「鐵樹蘭」演出，他坦言今次是試試水溫，看觀眾能否接受這種重金屬音樂，「好驚喜今次見到大家反應好好，當是一個教育，好多人以為夾band同玩重金屬都係同一個形式，都係拎結他嗰啲，其實不同類型好不同。」他表示 Supper Moment是輕鬆一點的音樂，又介紹香港其實很多像鐵樹蘭這類的樂隊，他預告未來8月鐵樹蘭會參與本地一個音樂節，希望大家可以多多支持。

而安仔完騷後坦言不捨得完結，很珍惜台上與大家Jam歌的時間，期望21安士可以衝出香港，他說：「想全世界親身經歷這個騷，但其他人都好忙，希望佢地得，我就佢地囉。」問到會否想轉大場到紅館開騷，安仔回答道：「其實冇分別，（敢不敢插水？）我只試過在泳池邊做，我要幻想台下面是個泳池先得。」如果21安士有機會到外地開騷，安仔承諾一定會玩插水，言談中透露21安士音樂會真的可能會再次encore ！