樂隊Zpecial則則完成音樂會《Zpecial City Live》，為特顯誠意，Zpecial首度公開新歌 《特色單位 》，主音康聰（Eddy）問到其他成員為音樂會準備了什麼時，鼓手煒賢（Waiyin）話自己為音樂會鍛練咗體能好耐，隨後脫去背心，大方騷肌。

MC張天賦當晚擔任特別嘉賓，與Zpecial合唱《Good Time》以及《Loser》後，又再獨唱《世一》，MC透露與Zpecial因唱K而認識，仲踢爆Eddy好飲得。重返麥花臣嘅MC張天賦亦驚覺原來上一次喺麥花臣開騷只不過係年半前嘅事，並送上祝福俾Zpecial希望佢哋都可以一步一步去到更大舞台舉行演唱會。

完騷後後問到Waiyin健美身型是如何練成，他表示日日食雞胸同操肌，體脂肪率由本身已經好fit嘅 9% 減到 4.6%，更笑言以後大家「開騷嘅標準就係咁樣！」