張國榮紅館紀念騷丨陳淑芬哽咽感謝嘉賓　贈金屬紙鶴及Leslie金牌

今日（4月1日）是張國榮逝世20周年，本港各處均有不同形式紀念活動，由張國榮生前好友兼經理人陳淑芬牽頭的《張國榮繼續寵愛．二十年．音樂會》今晚假紅館舉行，約下午4時半，一眾參與歌手鍾鎮濤、陳松伶、鄭欣宜、鍾柔美等進行拜神儀式，祈求演出順利。

被問到哥哥摯愛唐鶴會唔會出現？陳太說：「唔使講，大家到時就知。」對於音樂會將作全球網上直播，陳太表示希望愈多人睇愈好。對於同日有另一個紀念張國榮演唱會，可擔心有比較？陳太指：「大家鍾意比較就比較，都係出心。」期間更講到哽咽，指是晚參與的嘉賓均是為張國榮而來，部份人更放棄賺錢機會，指大家都好錫Leslie，好感動。

另外，陳松伶直言為了今次演出特別返港約一星期，綵排時聽到張國榮的歌曲已忍不住喊。而今次每次參與歌手都會獲大會送贈一隻金屬製紙鶴，以及用張國榮側面打造的金幣，金幣上還印有嘉賓的生日日期，別具心思。