孫耀威3年前瑞士甜品店求婚 自己跪地即落淚:Macy跪埋一齊喊

撰文:陳奕熙
出版:更新:
孫耀威(Eric)在加盟星娛樂的派對上,宣佈與拍拖8年的陳美詩(Macy)已在洛杉機註冊結婚。關於結婚確實時間,Eric絕口不提,話要留返做兩人的小秘密,不過求婚就是3年前的事,Macy非常喜歡食甜品,而瑞士就有一間好出名的甜品舖,Eric表示:「我妹妹住喺瑞士,咁就揾佢收買咗個老闆,又揾啲人系附近扮客,一路食甜品,到要求婚見到只戒指時,唔知點解我跪喺到自己都好感動喺到喊,Macy又好感動跪埋一齊喊。」Eric笑言結果兩人攬住一齊喊,好搞笑。

談到為何要在美國註冊?好簡單,一個字,「浪漫」,Eric笑言總覺得要找些事做才行:「唔想揸架車去簽張紙就完,所以我地瑞士求婚,美國註冊,澳洲影婚紗相,香港宣佈,好似咁浪漫啲。」問到44歲的Eric可有造人計劃?他表示兩人已做了產前檢查,質量好好,沒有實質的計劃,但會順期自然。