【周柏豪演唱會】阿Sa壓軸驚喜現身　被笑識計數係小富婆

周柏豪的演唱會昨晚（30日）到最後最後，Encore時段請來近排一齊出電影的阿Sa（蔡卓妍）做嘉賓，阿Sa似一身紅色露背長裙現身，並與柏豪合唱當年他和鄭融的名曲《一事無成》，柏豪大讚阿Sa夠朋友，一個call即度期撐場。

阿Sa上場後笑言：「其實我今次嚟係有目的，我想宣傳我哋套《原諒他77次》，我計過數……」柏豪即打斷對方，笑言講計數絕對是阿Sa優勝：「計數你最正啦，你咁多樓，娛樂圈小富婆。你啲珍珠我唔敢掂，賠唔起。」

但阿Sa就堅持說下去，講到全場一萬人，如果都去睇戲就有好多票房，不過計計下，阿Sa就講亂數字，令柏豪大笑：「一陣間佢哋又話我唔識計數啦，15加10等於30，咪話咗個5分鐘post嘢囉，我識㗎。你上嚟『戙』我嘅，開騷計唔到。」接著柏豪就趕阿Sa離開舞台，等到阿Sa落到升降台時，柏豪又笑着說：「呢個場我㗎，走啦！我細細個就聽你啲歌。」搞到阿Sa忍唔住回敬一句：「去死啦！」二人的對話引得全場大笑。