周柏豪演唱會尾場　完美自抽：我細細個已經對玻璃杯有濃厚興趣

周柏豪於紅館舉行一連三場的入行十周年演唱會《One Step Closer Pakho Live 2017》尾場，獲許廷鏗、鄭欣宜、吳業坤、胡鴻鈞、何超蓮、JW、連詩雅等到場支持，全場爆滿。甫開場，柏豪在台中升上來，並自彈自唱出《同天空》，唱到第二首歌《自由意志》時，觀眾已火速進入狀態，High爆站起為柏豪歡呼。

換上 閃閃西裝的柏豪唱出《怒花》，他表示:「有依首歌嘅原因，係因為有一班人之前喺一個Studio到認識嘅，嗰個Studio叫 NOVA Studio，但呢個Studio之前要拆，佢哋好有心，就係呢個Studio拆之前最後一晚，喺呢個studio寫咗呢首歌。」接着柏豪笑言成日都話自己「幾好命」，但沒有大家在身邊幾好命也沒用：「除咗大家喺身邊，仲有一個朋友一直都喺到，呢個朋友，食飯睇戲都喺到，甚至一齊瞓同一張床，想同大家介紹呢個朋友。」歡眾一聽到「瞓一張床」就以為柏豪想要介紹新婚的太太，點知柏豪接著唱出《小白》和《相安無事》，其實是送給愛貓小白的一Part。

柏豪坦言準備演唱會的時間只有兩個月，曾一度想放棄，但見到預訂情況很好，就覺得一定要用這20幾天的時間好好準備自己：「第一場時我知自己做得唔好，好長氣，好多嘢講，第二場都未做得最好，今晚出場前同自己講要將最好最好嘅周柏豪擺喺你哋面前，就算回家未覺得最好，我應承自己，將來會將最好嘅柏豪畀你哋見到。」隨後的一Part是勁歌熱舞的部分，甚少跳舞的柏豪在台上大晒舞技，仲跳得有板有眼，跳畢後他笑言：「我覺得我之前浪費晒啲時間，都跳到舞啊，OK啊？喺台上面挑戰下自己，呢個都係我人生嘅宗旨，不斷進步。」

柏豪再次現身時換了一隊用小朋友樂器的「樂隊」，他笑言:「細個老師已經教玻璃杯裝住唔用份量嘅水會有唔同嘅聲音，所以我細細個已經對玻璃杯有好濃厚嘅興趣。」這句擺明自抽之前的水杯潮文，柏豪靚抽!